Marneuli merinin müavini Temur Şubitidzenin atası Paata Şubitidzenin şirkətləri – “Ktsia” MMC və “Number One” MMC, Temur Şubitidze mer müavini olduqdan sonra Marneuli bələdiyyəsində 49 milyon larilik tenderin qalibi olub.

“Beynəlxalq Şəffaflıq Gürcüstan” təşkilatı Paata Şubitidzenin "Gürcü Arzusu"na 50 min lari bağışladığını bildirir.

"Marneuli merinin müavini Temur Şubitidzenin atası Paata Şubitidze "Gürcü Arzusu"na 50 min

lari ianə bağışlayıb. Onun "Ktsia" MMC və "Number One" MMC şirkətləri 119 milyon lari dəyərində tenderlərin qalibi olub, onun 49 milyonu oğlu mer müavini təyin olunduqdan sonra əldə edilib”, – təşkilatın məlumatında qeyd olunub.

“Beynəlxalq Şəffaflıq Gürcüstan”ın məlumatına görə, 2023-2024-cü illərdə Şubitidzenin şirkətləri “Ktsia” və “Traumberg” ümumi sahəsi 96 610 kvadratmetr olan qum və çınqıl hasilatı üçün iki lisenziya alıb. Paata Şubitidzenin “Ktsia” şirkəti 2011-ci ildən Marneuli meriyasının tenderlərində qalib gəlir. Onun iştirak etdiyi ilk tender 2011-ci il aprelin 13-nə təsadüf edir. Vladimir Tkeşelaşvili “Ktsia” MMC-də də 50% səhmə malikdir. Onun səhmlərini Ketevan Tkeşelaşvili idarə edir. Şirkət Marneuli Bələdiyyəsinin Araflı kəndində qeydiyyatdadır.

İndiki mərhələdə “Ktsia” MMC-nin iki direktoru var. Bunlar Ketevan Tkeşelaşvili və Teimuraz Qoqriçianidir.

Qeyd edək ki, 2023-cü il mayın 8-də “Marneuli” radiosunda “Marneuli merinin müavininin atasının şirkəti son 17 ayda meriyadan 15 985 260 larilik tender qazanıb” başlıqlı yazı dərc olunmuşdu. Məqalədə Temur Şubitidzenin Marneuli merinin müavini olduğu 2022-ci ildən 2023-cü ilin may ayına qədər “Ktsia” MMC-nin qazandığı tenderlər müzakirə olunurdu. 24 may 2023-cü il tarixində Bələdiyyə Məclisinin iclasında Marneuli Bələdiyyə Məclisinin sədri Amiran Qiorqadze məqaləyə cavab vermişdi və “mənə icazə verilsə, qanun çərçivəsində bütün böyük tenderlərin hamısını Ktsia MMC-yə verərdim” – deyə bildirmişdi.

Qiorqadze onu da qeyd etmişdi ki, “Ktsia” MMC Marneulidə yol tikintisi işlərini ən yaxşı yerinə yetirən şirkətdir və burada yerli əhali çalışır, öz karxanası var və heç bir problem olmadan öz vəzifələrini yerinə yetirir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.