Marneuli yerli özünüidarəsi “Marneuloba 2025”in keçirilmə tarixini növbəti dəfə təxirə salıb. Bələdiyyə Məclisinin oktyabrın 28-də keçirilən iclasında deputatlar “Marneuloba 2025”in oktyabrda deyil, noyabrda keçirilməsi ilə bağlı qərarda dəyişikliyi dəstəkləyiblər.

Məsələnin məruzəçisi, Marneuli meriyasının İnzibati Xidmət rəhbəri Mamuka Şubitidze Bələdiyyə Məclisi iclasında bildirib ki, tender prosedurları ilə əlaqədar bayramın keçirilmə vaxtının dəyişdirilməsi zəruridir.

“Həmin dəyişiklik yalnız tarixi əhatə

edir. Bayramın keçirilməsi üçün oktyabr ayı təyin etmişdik, amma müəyyən səbəblərdən, yəni tender prosedurları ilə əlaqədar oktyabr ayında keçirilməsi mümkün olmadığından, sərəncamda dəyişiklik edilməsini və bayramın noyabrın 20-dək keçirilməsini məqsədəuyğun hesab edirik,” – Mamuka Şubitidze bildirib.

Marneuli Bələdiyyə Məclisinin 27 iyun 2023-cü il tarixli sərəncamına əsasən, “Marneuloba” hər il sentyabr ayında qeyd edilməlidir. Sentyabrın 22-də keçirilən Bələdiyyə Məclisinin iclasında sərəncamda dəyişiklik dəstəklənib. Məsələnin məruzəçisi Mamuka Şubitidze olub və o, “Marneuloba 2025” tarixinin dəyişdirilməsinə səbəb kimi tender prosedurlarını göstərib.

Sentyabrın 22-də verilən qərara əsasən, “Marneuloba 2025” oktyabrda keçirilməli idi. Bələdiyyə Məclisinin oktyabrın 28-də keçirilən iclasında bu qərar dəyişdirilib və bayramın keçirilməsi üçün yeni tarix noyabrın 20-si müəyyən edilib.

“Marneuloba 2025” üçün tender üçüncü cəhddə uğursuz olub. Sentyabrda keçirilməli olan tədbir oktyabr ayına təxirə salınsa da, tender yenə baş tutmayıb.

Alqı-satqı saytında ilk tender iyulun 22-də keçirilib. Tenderdə üç şirkət – “City Event Georgia” MMC, “Store+” MMC və “Ai Travel” MMC iştirak edib. Meriya tenderdə iştirak edən “Store+” MMC-ni texniki sənədləri düzgün doldurmadığını əsas gətirərək müsabiqədən kənarlaşdırıb. Qərar Dövlət Satınalmalarında Mübahisələrə Nəzarət Şurası tərəfindən ləğv edilsə də, meriya yenidən tenderin dayandırıldığını elan edib.

İkinci tender 2 sentyabrda elan edilib. Tenderdə “Ai Travel” MMC və “Story+” iştirak edib. Hər iki şirkət texniki sənədlərə görə tenderdən kənarlaşdırılıb və tender uğursuz elan edilib.

Üçüncü tender isə sentyabrın 22-də elan edilib. Burada üç şirkət – “Ai Travel” MMC, “Story+” və Tamar Eloşvili iştirak edib. Onların hər üçü texniki sənədlərə görə Marneuli meriyası tərəfindən tenderdən kənarlaşdırılıb. Tender sənədlərində tədbirin təxmini tarixi 10–31 oktyabr tarixləri qeyd olunub.

Hələlik “Marneuloba”nın təxirə salınıb-salınmayacağı məlum deyil. Bələdiyyə “Marneuloba 2025”i 198 788 lariyə qeyd etməyi planlaşdırırdı.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.