Marneulinin 4 saylı ictimai məktəbinin direktoru saxlanılıb.

Dövlət Təhlükəsizliyi Xidmətinin brifinqindən məlum olur ki, 4 saylı ictimai məktəbin direktoru saxta attestatın verilməsi, imtahanların keçirilməsi barədə rəsmi sənədin tərtib edilməsi üçün 300 ABŞ dolları məbləğində rüşvət alıb. Başlanılmış istintaq Cinayət Məcəlləsinin 338-ci maddəsi ilə aparılır ki, bu maddə 6-dan 9 ilədək azadlıqdan məhrumetməni nəzərdə tutur.

"Marneulidə

rüşvət alma faktına görə Marneulinin 4 saylı ictimai məktəbinin direktoru saxlanılıb. O, attestatın verilməsi üçün tələb olunan imtahanların verilməsi müqabilində bir vətəndaşdan 300 ABŞ dolları məbləğində rüşvət alıb", – deyə DTX-nin açıqlamasında bildirilir.

Dövlət Təhlükəsizliyi Xidmətinin açıqlamasına görə, istintaq Gürcüstanın Cinayət Məcəlləsinin 338-ci maddəsinin birinci hissəsi ilə aparılır, bu maddə 6-dan 9 ilədək azadlıqdan məhrumetməni nəzərdə tutur.