Kvemo Kartli qubernatorunun keçmiş müavini və “Gürcü arzusunun” Kvemo Kartli Regional Qərargahının rəhbəri Qiorqi

Şinçikaşvili Marneuli və Hucabinin yepiskopu Qiorqi (Leri) Camdelianini böhtan atmaqda ittiham edir.

Qiorqi (Leri) Camdelianiyə qarşı ilk məhkəmə iclası Bolnisi Rayon Məhkəməsində 12 dekabr tarixində keçirilib. Məhkəmə iclasından sonra Camdeliani “Formula” kanalına danışıb və bildirib ki, onu mühakim kürsüsünə düşürüblər.

“Şinçikaşvili mənə

qarşı şikayət verib ki, guya onun şərəfinə ziyan dəyib. Kilsə, qanuni məhkəməni aşmaq istəmirdim və belə çıxır ki, qarşı tərəf məni məhkəməyə dəlillər təqdim etməyə, özümüzü müdafiə etməyə məcbur edir. Onun hökmünü çıxaran çox sayda dəlil var”, – Qiorqi Camdeliani bildirib.


Marneuli və Hucabi yepiskopu həftəlik ayinində Kvemo Kartli qubernatorunun keçmiş müavini Qiorqi Şinçikaşvilini onun öldürməyə cəhd göstərməkdə ittiham etmişdi. Yepiskop Qiorqi 6 iyun tarixində yepiskop məhkəməsi keçirib. Məhkəmədə hakim və qurban da onun özü idi.

Yepiskop məhkəməsi rahibə Tekla Kublaşvilinin ifadəsi əsasında Qiorqi Şinçikaşvilini günahkar hesab edib. Yepiskop Qiorqinin məlumatına görə, rahibə ona deyib ki, Şinçikaşvili Tekla ananı yepiskopu zəhərləməyə məcbur edirmiş.

Sonradan Tekla ana öz ifadəsini dəyişdirib və bildirib ki, Qiorqi Şinçikaşvili ona heç nə tapşırmayıb, Marneuli və Hucabi yepiskopunu psixoloji zorakılıqda, hədələmədə günahlandırıb.

Bolnisi rayon Məhkəməsinin hakimi Devi Devadze tərəflərin təqdim etdiyi dəlillər əsasında yepiskop Qiorqinin onu qətlə yetirilməsini planlaşdırmaları ilə bağlı bəyanatının nə dərəcədə real olub-olmadığını müzakirə etməlidir.

Məhkəmə iclasında Qiorqi Şinçikaşvili iştirak etməyib. Onun vəkili “Formula” ilə söhbəti zamanı bildirib ki, Qiorqi Camdeliani məhkəməyə öz bəyanatlarını təsdiq etmək üçün heç bir dəlil təqdim etməyib.

“Qiorqi Camdeliani bu gün və sonrakı proseslərdə də sübut etməli olacaq ki, ayin zamanı dediyi faktlar doğrudur. Bu gün heç bir dəlil təqdim olunmayıb, növbəti iclası gözləyəcəyik. Yəqin təqdim etməyəcək və Qiorqi Şinçikaşvilini ittiham etdiyi məsələnin həqiqət olduğunu sübut da etməyəcək”, – Qiorqi Şinçikaşvilinin vəkili bildirib.

Qeyd edək ki, Sinod Komissiyası 19 iyun tarixində Marneuli və Hucabi yepiskopunun 6 iyunda qəbul etdiyi qərarın dayandırılması ilə bağlı qərar qəbul edib. Qərara əsasən Qiorqi Şinçikaşviliyə 20 il müddətinə kilsədə bölüşmək hüququ qadağan edilib.

Marneuli və Hucabi yepiskopunun bəyanatına əsasən Prokurorluq Cinayət Məcəlləsinin 18, 108-ci maddəsi əsasında istintaqa başlayıb. Həmin maddə qəsdən adamöldürmənin planlaşdırılmasını nəzərdə tutur. Yepiskop Qiorqi bildirib ki, istintaqla əməkdaşlıq etməyəcək və ifadə də verməyəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.