Marneulinin “Geo Hospitals” Doğum və Ambulatoriya Mərkəzində Şaumyani kənd sakini, 40 yaşlı Şorena Durqlişvilinin 9-cu övladı dünyaya göz açıb.
Bir neçə gün əvvəl doğulan körpəyə Ketevan adı verilib.

Ana bildirir ki, hər bir övladının dünyaya gəlişi onun üçün xüsusi sevinc qaynağıdır.

“Bu qədər övladım olduğu üçün nə qədər şükür etsəm, azdır. Onlardan beşini məhz Marneulinin “Geo Hospitals” klinikasında dünyaya gətirmişəm. Bütün doğuşlar zamanı tibbi heyət yanımda olub, mənə dəstək göstəriblər, bu isə mənim üçün çox böyük əhəmiyyət kəsb edir. Övladlarımın adları: Qiorqi, Laşa, Luka, Levan, Qabriel, Lika, Noe, Elene və Ketevandır. Bütün analara cansağlığı, xoşbəxtlik və sağlam körpələr böyütməyi arzulayıram”, — deyə Şorena Durqlişvili qeyd etdi.



“Geo Hospitals” klinikasının neonatologiya şöbəsinin rəhbəri Rusudan Uşveridzenin sözlərinə görə, klinikada çoxuşaqlı ailələrin övladlarının doğulması ilk hal deyil, lakin hər bir belə hadisə tibbi personal üçün xüsusi və yaddaqalan olur.

Məlumat üçün bildirək ki, ötən il Marneulinin “Geo Hospitals” klinikasında 564 körpə dünyaya gəlib. Onlardan 299-u oğlan, 265-i isə qız olub.