Marneuli Bələdiyyə Məclisi Algetidə sahilbərkitmə işlərinin başlanmasını nəzərdə tutan layihənin həyata keçirilməsini dəstəklədi.

Məsələni aprelin 14-də keçirilən iclasda müzakirəyə məclis üzvü Adil Əliyev çıxardı və bildirdi ki, layihə təbii fəlakətlərin qarşısının alınması məqsədilə sahilbərkitmə işlərinin aparılmasını nəzərdə tutur. Sözügedən qərar son vaxtlar güclü yağışlar nəticəsində yaranan problemlər fonunda qəbul edildi.

“Məlumat üçün bildirim ki, cari ilin 7 aprel tarixində Marneuli meriyasından məktub daxil olub. Məktubda təbii fəlakətlərin qarşısının alınması məqsədilə Algeti kəndində sahilbərkitmə işlərinin aparılmasını nəzərdə tutan layihənin dəstəklənməsi istənilir. Bildiyiniz kimi, güclü yağış nəticəsində çay daşaraq məcrasından çıxıb və təkcə Algeti kəndində deyil, digər ərazilərdə də ciddi problemlər yaradıb, infrastruktura, eləcə də vətəndaşlara ziyan vurub. Meriya oxşar halların bir daha təkrarlanmaması üçün sahilbərkitmə işlərinə başlamaq məqsədilə dəstək istəyir”, – Əliyev izah etdi.

Bələdiyyə Məclisinin aprelin 14-də keçirilən iclasının gündəliyində 5 məsələ müzakirə olundu. Onlar arasında 2025-ci il büdcəsinin icrası, Algetidə sahilbərkitmə işlərinin başlanması və Kəndə Dəstək Proqramı barədə danışıldı. Deputatlar bütün məsələlərlə bağlı müsbət qərar qəbul etdilər.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin!