Marneuli yerli özünüidarəsi Cavaxişvili küçəsində mövcud olan suvarma kanalının bərpası işlərinin satın alınması ilə bağlı artıq üçüncü dəfə tender elan edib.

Son iki tenderdə heç bir şirkət iştirak etmədiyi üçün tenderlər baş tutmamış elan olunmuşdu.

Marneuli meriyası tərəfindən elan edilmiş tenderə əsasən, ümumi uzunluğu 909 metr olan dəmir-beton suvarma kanalının qurulması planlaşdırılır. Bunun 761 metri monolit dəmir-beton, 148 metri isə yığma dəmir-beton konstruksiyalı suvarma kanalı olacaq.

“Suvarma kanalı Marneuli şəhərinin Cavaxişvili küçəsində qurulmalıdır. Hazırkı vəziyyətə görə, həm məskunlaşmamış ərazilərdən, həm də sakinlərin torpaqlarından və həyətlərindən keçən mövcud torpaq sahəsi zədələnmiş və təmizlənməyə ehtiyac yaranıb. Bu səbəbdən suvarma suyu təyinat yerinə çata bilmir və ətrafdakı həyətyanı sahələri su basır. Həmçinin baş qurğu da zədələnmişdir. Qeyd olunanlardan irəli gələrək, yeni suvarma kanalının qurulması zəruridir”, – suvarma kanalının qurulması layihəsində qeyd olunur.

Yerli özünüidarə Cavaxişvili küçəsində yerləşən suvarma kanalının bərpasına 225 140 lari xərcləməyi planlaşdırır. Tenderdə şirkətlər 16-19 may tarixlərində iştirak edə bilərlər. Qalib şirkət işləri müqavilə imzalandıqdan sonra 120 gün ərzində yerinə yetirməlidir.

 

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.