Marneuli ictimai məktəblərində birinci sinif şagirdlərinin qeydiyyatının üçüncü mərhələsi 15 may tarixində başlayacaq.

Birinci sinif şagirdlərinin əksəriyyəti məhz üçüncü mərhələdə qeydiyyatdan keçir.

Yerli Təhsil Resurs Mərkəzinin nümayəndəsi İrma Davadzenin "Marneuli" radiosuna verdiyi məlumata görə, bu il Marneulidə həm özəl, həm də dövlət təhsil müəssisələri daxil olmaqla, təxminən 2000-ə yaxın birinci sinif şagirdinin qəbulu gözlənilir.

Bələdiyyə miqyasında 74 dövlət məktəbi və 2 özəl məktəb fəaliyyət göstərir.

III mərhələ – ərazi prinsipi üzrə onlayn qeydiyyat 2026-cı ilin 15 may tarixindən 25 may tarixinədək davam edəcək. Qeydiyyat Təhsil İdarəetmə İnformasiya Sisteminin rəsmi internet səhifəsində (registration.emis.ge) həyata keçiriləcək. Qeydiyyatı valideyn və ya qanuni nümayəndə həyata keçirir.

Dövlət məktəblərində III mərhələdə elektron qaydada qeydiyyatdan keçmiş şagirdlərin qəbulu üçün zəruri sənədlərin qəbulu 2026-cı ilin 27 may tarixindən 12 iyun tarixinədək həyata keçiriləcək.

Birinci sinfə qəbul üçün tələb olunan sənədlər: şagirdin qanuni nümayəndəsinin ərizəsi (ərizədə qanuni nümayəndənin yaşayış yeri və telefon nömrəsi haqqında məlumat qeyd olunmalı və Gürcüstanın Ümumi İnzibati Məcəlləsinin 78-ci maddəsi ilə müəyyən edilmiş digər tələblərə cavab verməlidir), qanuni nümayəndənin şəxsiyyətini təsdiq edən sənədin surəti və Gürcüstanda yaşayış icazəsini təsdiq edən sənədin surəti (olduğu təqdirdə). Sənədlər xarici dildə təqdim edildikdə, onlara Gürcüstan qanunvericiliyi ilə müəyyən edilmiş qaydada gürcü dilinə tərcümə edilmiş variant əlavə edilməlidir.

Şagirdin doğum haqqında şəhadətnaməsinin və ya şəxsiyyətini təsdiq edən sənədin surəti və ya Gürcüstanda yaşayış icazəsini təsdiq edən sənədin surəti (olduğu təqdirdə). Sənədlər xarici dildə təqdim edildikdə, onlara Gürcüstan qanunvericiliyi ilə müəyyən edilmiş qaydada gürcü dilinə tərcümə edilmiş variant əlavə edilməlidir.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.