Marneuli meri Zaur Darğallı ötən gün, 20 iyun
tarixində Rustaveli prospektində etiraz aksiyasının güc tətbiq
olunmaqla dağıdılması ilə bağlı şərh vermir.
Etiraz aksiyası 20 iyun tarixində başladı. Rusiya Dumasının
deputatı Sergey Qavrilov Parlamentlərarası Pravoslavlıq Baş
Assambleyasının 26-cı sessiyasında iştirak etmək üçün başqa
ölkələrin deputatları ilə birlikdə Tbilisiyə gəlib. Rusiya
Dumasının deputatı Parlamentlərarası Pravoslavlıq Baş
Assambleyasını Parlament sədrinin kürsüsündə əyləşərək açıb. Zaur
Darğallı bizimlə söhbəti zamanı bu faktla bağlı da danışmaq
istəmədi.
Hüquq mühafizəçiləri Parlament qarşısına toplaşmış aksiya
iştirakçılarına qarşı rezin güllələr, gözyaşardıcı qaz və su
şırnaqlarından istifadə edib. Səhiyyə nazirliyinin məlumatına görə,
aksiyada 240 nəfər yaralanıb. Onlardan iki nəfərin gözünün
cərrahiyə yolu ilə götürülməsinə ehtiyac olub. Yaralılar arasında
jurnalistlər də var.
Daxili İşlər Nazirliyi 21 iyun tarixində sübh tezdən onlarla insanı
həbs edib.