Tumasyan və Kazımovun birgə çıxışı – həmrəylik əlaməti olaraq yuxarı qaldırılan əllər
24
iyunda, Rustaveli prospektində baş tutan aksiyada azərbaycanlı və
erməni icma nümayəndələri birgə çıxış ediblər
və
tribunadan ictimaiyyətə müraciət edərək qeyd ediblər ki,
Gürcüstanın azadlığı üçün mübarizədə etnos yoxdur.
“Bu gün burada mənimlə bərabər bu ölkənin vətənpərvər
övladı Giorgi Tumasyan da dayanıb. Bizim birgə çıxışımız
vətəndaşlarımızın birlik simvoludur. Gürcüstan vətəndaşlarının
birlik və həmrəyliyini heç kim poza bilməz” – Oqtay
Kazımov çıxışı zamanı deyib.
Kazımov və Tumasyan əl-ələ tutaraq birlik və həmrəylik əlaməti
olaraq əllərini yuxarı qaldırıblar.
“Bizim ruh birliyimiz, bizim rəngarəngliyimizdir. Bütün
etnik, dini qruplar və bütün vətəndaşların birgə dayanması göstərir
ki, Gürcüstan əhalisi ölkəmizin azadlığının qorunması üçün
birdir” – Giorgi Tumasyan deyib.
Qeyd edilməlidir ki, Tbilisidə, Rustaveli prospektində etiraz
aksiyaları 20 iyundan etibarən başlayıb. Rusiya Dumasının deputatı
Sergey Qavrilov başqa ölkə deputatları ilə birgə Tbilisiyə,
Parlamentlərarası Baş Assambleyasının sayca 26-cı sessiyasında
iştirak etmək üçün gəlmişdi. Rusiya Dumasının deputatı
Parlamentlərarası Pravoslavlıq Baş Assambleyasının sessiyasını
Gürcüstan Parlament sədrinin kürsüsündə əyləşərək açıb. Qeyd olunan
fakt cəmiyyətin və Parlament müxalifətini etirazına səbəb olub.