Marneulidə 2008-ci ildə baş vermiş Rusiya-Gürcüstan Müharibəsi ilə bağlı seminar keçirildi (VİDEO/FOTO)
Bu
gün, 8 avqust tarixində Marneulidə "Gənc Liderlər" adlı yay məktəbi
layihəsi çərçivəsində 2008-ci ildə baş vermiş Rusiya-Gürcüstan
Müharibəsi ilə bağlı seminar keçirildi.
Seminar "AtaHolding" idman kompleksində baş
tutdu. Tədbirin təşkilatçısı Gürcüstan Azərbaycanlılarının
İnteqrasiya Mərkəzi (GAİM) idi.
Seminarda Avropa İttifaqının (Aİ) Gürcüstan üzrə Monitorinq
Missiyasının nümayəndələri 2008-ci il Avqust ayında baş vermiş
Rusiya-Gürcüstan Müharibəsi, münaqişələrin həlli və onların təmsil
etdikləri təşkilatın Gürcüstandakı missiyası haqda danışdılar.
Tədbir çərçivəsində 2008-ci ildə baş vermiş Rusiya-Gürcüstan
müharibəsinin acı xatirələri anıldı. Bu haqda Gürcüstan
Azərbaycanlılarının İnteqrasiya Mərkəzinin icraçı direktoru Aygül
İsayeva məlumat verdi.
Seminarda iştirak edən gənclər görüş haqqında öz fikirlərini
bizimlə bölüşdülər.
Xatırladaq ki, Rusiya-Gürcüstan müharibəsindən 11 il keçir. 2008-ci
il müharibəsi zamanı rus güllələri 224 nəfər mülki şəxs, 14 nəfər
Daxili İşlər Nazirliyi əməkdaşı və 170 nəfər Müdafiə Nazirliyi
hərbçisinin – o cümlədən 22 zabit, 133 kapral və serjant, 10
ehtiyatda olan hərbçi, 3 könüllü və bir sıravi əsgərin həyatına son
qoydu. Ən çox isə silahlı qüvvələrin IV piyada briqadası itki
verdi.
Warning: Invalid argument supplied for foreach() in /var/www/marneulifm.ge/public_html/templates/default/html/com_content/article/default.php on line 166