"Əvvəl kömək edək, sonra ağıl
verərik" – Marneuli Bələdiyyə Məclisinin üzvü,
Tsereteli inzibati ərazi vahidinin majoritar deputatı Roman
Tabatadze təbii fəlakətdən zərər çəkmiş əhalinin məhv olmuş əkin
sahələri məsələsini bu gün, 8 avqustda iclasda müzakirə
edib.
Tabatatze aqrokredit məsələsi ilə bağlı banklarla danışıqların
hansı mərhələdə olması barədə suala cavab tələb edib. Onun sualına
Marneuli Bələdiyyə Məclisi və aparatının üzvləri rəy bildiriblər və
deyiblər ki, fermerlər əkin sahələrini sığortalamalı imişlər.
"Həmin adamlara ağıl öyrətmək lazım deyil ki, sığorta
etməliydiniz və.s. bunu artıq bilirik. Əhaliyə kömək etmək
lazımdır. Ona görə də kömək etdikdən sonra ağıl
verək", – Roman Tabatadze bildirib və açıqlama verib
ki, əhaliyə banklarla danışıqların aparılması ilə bağlı verilmiş
vəd yerinə yetirilməlidir.
Bələdiyyə Məclisi üzvünün sualına cavab olaraq Marneuli merinin
müavini Zaur Tabatadze bildirib ki, bələdiyyə üzərinə düşən
öhdəliyi yerinə yetirib. Yaradılmış xüsusi komissiya zərəri
hesablayıb və müvafiq məlumatlar quberniyaya verilib. Bu mərhələdə
danışıqları quberniya aparır.
"Marneuli" Radiosu