“8 avqust müharibəsi bizim müasir tarixin faciəvi səhifələrindən biridir” - Marneulidə avqust müharibəsi qəhrəmanlarını yad ediblər
14:50 / 08.08.2019
Marneulidə Gürcüstanın ərazi bütövlüyü uğrunda
həlak olan Marneulili əsgərlərin memorialı qarşısında bu gün səhər
saatlarından sıxlıq hiss olunur.Yerli özünüidarə nümayəndələri memoriala əklil
qoyub və xatirələrini yad ediblər.
„8 avqust müharibəsi bizim müasir tarixin faciəvi
səhifələrindən biridir. Bu gün biz qəhrəmanları yad edirik, onlar
bizim üçün fədakarlıq nümunəsidirlər“ - Zaur Darğallı
deyir. Bugünkü tədbirdə eləcə də mer və bələdiyyə sədrinin
müavinləri çıxış etdilər. Onlar avqust müharibəsini yad edərək
müharibədə həlak olanların xatirəsini yad etdilər.
Rusiya-Gürcüstan müharibəsində Marneulidən 9 nəfər həlak olub.
Tədbirdə müharibədə itkin düşən əsgər, Mamuka Şubitidzenin anası öz
hisslərini bizimlə bölüşdü.
„8 avqust bizim üçün unudulmazdır. Bizim yaşadığımız bu
ağrını heç bir anaya arzulamıram. Bu oğlanları xatırlayan hər kəsə
təşəkkür edirik“ - Mamuka Şubitidzenin anası
deyir.
Memorialın qarşısında dünyasını dəyişənlərin xatirəsini yad etmək
üçün ayinlər oxunub. Avqust müharibəsini əks etdirən
fotomateriallardan ibarət lövhə qurulub. Memorialın ərazisində
müharibə qəhrəmanlarını və onların həyat hekayələrini əks etdirən
dekorasiyalar təsvir olunub.
Marneuli meriyasının təşəbbüsü ilə Abxaziya və Samaçablo
müharibəsində həlak olanlardan 8 ailənin hər birinə yerli
özünüidarəetmə 500 lari verəcək.