Saimerlo sakinlərinin etirazı nəticəsində kəndə su yenidən əvvəlki quyudan veriləcək
Saimerloda içməli suyun mənbəyi
dəyişdirilməyəcək.
Marneuli merinin “Marneuli” radiosu ilə
söhbəti zamanı bildirdiyinə görə, Saimerlo sakinlərinə içməli su
yenə də mövcud mənbədən veriləcək.
Zaur Darğallının sözlərinə görə, su sisteminin dəyişdirilməsinə
cavabdeh olan şirkətdən bildiriblər ki, Saimerloya içməli suyu
mövcud mənbədən verməyə hazırdırlar.
Bu gün, 9 avqust tarixində Saimerlo su sisteminin dəyişdirilməsinə
cavabdeh olan şirkətin və meriyanın nümayəndələri kənd sakinləri
ilə goruşəcək və layihəyə edilən dəyişikliklər barədə məlumat
verəcəklər. Sakinlərlə görüş saat 15:00-a planlaşdırılıb.
Saimerlo sakinləri meriyanın kənddə bu vaxta qədər mövcud olan su
mənbəyinin bağlayacağı, Saimerloya isə suyu içməli su anbarından
verəcəyi məlum olduqdan sonra su sisteminin dəyişdirilməsinə etiraz
etdilər.
Sakinlərin sözlərinə görə, kənd suyu illərdir ki eyni mənbədən alır
və onlar suyun keyfiyyətindən razıdırlar. Meriyanın nümayəndələri
isə kənd sakinlərini əmin edirdilər ki, su anbarına toplanmış
içməli suyun keyfiyyəti quyudan birbaşa verilən suyun
keyfiyyətindən daha yüksək olacaq.
Yekunda Saimerlo sakinlərinin etirazı nəticə vermişdi və bərpa
işləri 24 iyun tarixində dayandırılmışdı.
"Marneuli" Radiosu