Candarlı Elvina Zeynalova "İsimsiz" romanını yazdı
19
yaşlı Elvina Zeynalova Marneulinin Candar kəndində yaşayır. Elvina
17 yaşından şeirlər yazmağa başlayıb və daha sonra bu marağı
Zeynalovanı roman yazmağa vadar edib. Beləliklə o,
“İsimsiz” adlı ilk romanını yazmağa
başlayıb.
Elvina deyir ki, romanın bir hissəsini yazsa da daha sonra dərslərə
başı qarışdığına görə, bir müddət yazmağa fasilə verib. Bir müddət
keçdikdən sonra o, yenidən romanı tamamlamağa başlayıb. Beləliklə 2
ildən sonra o, “İsimsiz” adlı romanını ərsəyə gətirib.
Elvinanın sözlərinə görə, roman dram və romantika janrlarında
yazılıb. O, romanda görünüşünə görə özünü, adını insanlardan
gizləyən yazıçıdan bəhs edir. Zeynalova deyir ki, yazmağının əsas
səbəblərindən biri gələcəkdə keçmişə dönüb baxdığında 19 yaşında
roman yazdığını görməkdir. O, həmçinin qeyd etdi ki, yazdığı
romanda bir çox məqamlarda özünü görür.
Yazmağın çətin olmadığını deyən Elvina qeyd edir ki,
“Əslində insan hisslərini yazanda deyil çərçivəyə
salanda çətin olur.”
Gələcəkdə kitab çıxarmağı arzu edən Elvina
hazırda ona maddi baxımdan yardım edə biləcək qurumlarla
maraqlanır.