Gürcüstan Parlamenti Təcrübə proqramına başlayıb
Gürcüstan Parlamentinin "Gənclərlə İş Birliyi"
üzrə Regional Komitəsi yüz nəfər tələbə üçün yenidən təcrübə
proqramı elan edir.
1 il ərzində davam edən təcrübə proqramında yalnız Gürcüstan
azərbaycanlıları iştirak edə bilərlər. Layihə yalnız 1-ci və 4-cü
kurs tələbələri üçün nəzərdə tutulub.
Təcrübə proqramında iştirakçılar Dövlət müəssisələrində çalışan iş
adamları ilə görüşmək imkanı qazanacaqlar. Layihədə ayrı-ayrılıqda
iştirak edən gürcü və azərbaycanlı tələbələr birlişərək öz
mədəniyyətlərini nümayiş etdirəcək və debatlarda iştirak
edəcəklər.
Layihənin Marneulili rəhbəri Təmkin Nağıyevin sözlərinə görə,
tələbələr dövlət müəssisələrində işlədikləri zaman iş təcrübəsi ilə
bağlı müəyyən çətinliklərlə qarşılaşırlar. O, deyir ki, bu
proqramda iştirak etmək tələbələrin gələcək iş həyatına müsbət
təsir göstərəcək.
“Layihənin məqsədi odur ki, sabahkı gün, bizim gənclər dövlət
müəssisələrində işlədikləri zaman təcrübə ilə bağlı problemləri
olur. Gənclər tək dövlət adamları ilə deyil, eyni zamanda Avropa
ölkələrinin Gürcüstandakı səfirləri ilə də görüşəcəklər”,
- Təmkin Nagıyev dedi.
Qeyd edək ki, Təcrübə proqramı dövlət tərəfindən təşkil olunub. 1
il ərzində davam edən proqramda 1 ay tətil olur. Proqram
çərçivəsində tələbələr intellektual yarışlarda iştirak edəcək və
yay düşərgələrinə gedəcəklər.
Təcrübə proqramında fəal şəkildə iştirak edən tələbələrə sonda
sertifikatlar təqdim olunacaq.
Xatırladaq ki, 1500 tələbənin iştirakı ilə ötən il də baş tutan
Təcrübə proqramında Gürcüstan azərbaycanlılarından, Marneulidən
Təmkin Nağıyev, Kaxetidən isə Elvin Tağıyev qatılmışdır.
Qeyd: Proqrama qoşulmaq
istəyən tələbələr facebook vasitəsi ilə və
593-93-34-13 layihənin rəhbəri Təmkin Nağıyevlə
əlaqə saxlaya bilərlər.