Amiran Qiorqadzenin 2015-ci ildə aldığı maşın bu ilki bəyannamədə yoxdur
Marneuli
Bələdiyyə Məclisinin sədri Amiran Qiorqadze 9 may 2019-cu il
tarixli əmlak bəyannaməsi ötən ilki bəyannamədən demək olar ki
fərqlənmir.
Qiorqadze 2018-ci ildəki bəyannaməsində həyat yoldaşının iki
avtomobili – 2015-ci ildə 3 500 dollara alınmış TOYOTA IST və
2018-ci ildə 8 000 dollara alınmış TOYOTA CAMRY olduğunu qeyd
etmişdi. Builki bəyannamədə isə 2015-ci ildə alınmış maşın artıq
qeyd edilməyib. Amiran Qiorqadzenin isə öz maşını yoxdur.
Bəyannaməyə əsasən 2011-ci ildə Saimerlo kəndində ona 159 kv.m.
yaşayış evi və 1161 kv.m. torpaq sahəsi miras qalıb.
Marneuli Bələdiyyə Məclisinin sədri 2009-cu ildə 9 000 lariyə
Marneuli şəhərində 300 kv.m. torpaq sahəsi alıb.
Qiorqadzenin nə bank hesabında, nə də nağd olaraq pulu yoxdur.
Marneuli Bələdiyyə Məclisinin sədri “Marneuli Trans” MMC-nin
səhmlərinin 16%-nə sahibdir. Onun ötən il 1 yanvar tarixindən 31
dekabradək sahibkarlıq fəaliyyətindən əldə etdiyi gəlir 5 000 lari
təşkil edib.