“Müəllim olmaq çətin deyil, bunun üçün işlədiyin sahəni sevmək lazımdır” - Elgün Osmanov
“Müəllim olmaq çətin deyil, bunun
üçün işlədiyin sahəni sevmək lazımdır”, - bu sözləri
27 yaşlı gənc müəllim Elgün Osmanov dedi. O, Bolnisi rayonunun
Arxlı kəndində yaşayır.
Osmanov 2008-ci ildə Heydər Əliyev adına
Gürcüstan Azərbaycan Humanitar Universitetində informatika və
ingilis dili sahəsi üzrə təhsil alıb. 2013-cü ildə isə Arıxlı
ictimai məktəbində ingilis dili müəllimi olaraq çalışmağa başlayıb.
Osmanovun sözlərinə görə, müəllimlik peşəsi uşaqlıqdan bu günə
qədər qurduğu ən böyük xəyallarından biri olub.
O, deyir ki, “Müəllim öz sahəsini dəqiq
bilməlidir”.
3-cü sinifdən 8-ci sinifə qədər şagirdlərə dərs keçən gənc
müəllimin sözlərinə görə, şagirdlərlə çalışmağı çox sevir və heç
yorulmur.
“Müəllim çalışıb uşaqlarla dil tapmalıdır. Əgər belə
olsa müəllim şagirdlərlə rahat dərs keçə biləcək. O, gələcəyin
vətəndaşını yetişdirir və çalışıb məsuliyyətli olmalıdır. Müəllim
öz sahəsini dəqiq bilməli və özünü inkişaf
etdirməlidir”, - Elgün Osmanov dedi.
E.Osmanov deyir ki, evdə də şagirdlərə əlavə dərslər keçir və öz
biliyini onlarla da bölüşür.
Qeyd edək ki, Elgün Osmanov öz sahəsini daha da inkişaf etdirmək
üçün hal-hazırda Soxumi Dövlət universitetində təhsil alır.