Sabah, 5 oktyabrda Marneulidə “Avropa miras
günləri” qeyd olunacaq.
“Avropa miras günləri”nin qeyd olunacağı tədbirlər saat 11:30-dan
Marneuli Mədəniyyət Mərkəzinin ətrafındakı parkdan və Marneuli
kitabxanasından başlayacaq.
Marneuli Mədəniyyət Mərkəzinin rəsmi facebook səhifəsində
yayımlanan məlumata əsasən tədbirlər proqramında uşaq kitablarının
sərgisi, “Biz Avropanı çəkirik” mövzusunda məktəb şagirdlərinin əl
işlərinin sərgisi, Marneuli bələdiyyəsində olan mədəni irsi
abidəllərin fotosərgisi, əl işi olan xalçaların, əşyaların və
boyunbağıların sərgisi və Marneuli Bələdiyyəsinin Mədəniyyət
Mərkəzinin “Da vinchi” studiyasının əl işlərinin sərgisi
planlaşdırılır.
Tədbirləri aşağıda nəzərdən keçirə bilərsiniz:
- Saat 11:30 - Xalq Müdafiəçisi Aparatının Kvemo
Akrtli ofisinin və Marneuli Mədəniyyət Mərkəzinin təşəbbüsü ilə
“Avrointeqrasiya: Avropa haqqında mitlər və reallıqlar mözvsuunda”
məruzə keçiriləcək. Məruzəni Xalq Müdafiəçisi Aparatının İnsan
Hüquqları Tədris Departamentinin rəhbəri, beynəlxalq əlaqələr
doktoru Nyu Vijen Universitetinin professoru Qvantsa Davitaşvili
oxuyacaq (Marneuli şəhərinin
kitabxanası).
- Saat 13:00 - da Antuan De Sent-Eqziuperin və
onun yeganə ən məşhur uşaq novellası “kiçik şahzadə”nin ictimai
şəkildə oxunması. Yazıçı haqqında təqdimat, əsər haqqında ümumi
müzakirə. Tədbirlərdə iştirak edəcək uşaqlar əsərə görə hazırlanmış
illustrasiya təqdim edəcəklər (Marneuli şəhərinin
Kitabxanası).
- Saat 14:00 - küp və skulptura plastilinləri
üzərində işləməklə bağlı masterklass (Marneuli şəhəri, Mədəniyyət
Evinin parkı).
- Saat 14:00 - Üz
çizimləri.
- 14:30 - Fleş Mob - Avropa rəqslərinin
xoreoqrafiyası (Marneuli şəhərinin mədniyyət evinin
parkı).
- Saat 14:45 - Küçə festivalı mim və akrobatlar
(Marneuli şəhərinin Mədəniyyət Evinin
parkı).
- Saat 15:00 - Mədəniyyət Məkrəzində mövcud olan
vokal-instrumental qrupların konserti (Marneuli Mədəniyyət Evinin
parkı).
- Saat 16:00 - “Avropa Gürcüstanda-Dümanın
izlərində” nümayişi (Marneuli Mədəniyyət Evinin
foyesi).
"Marneuli" Radiosu