Qardabanili idmançı Kəmalə Məmmədova “Fəxri Vətəndaş” adına layiq görülüb (FOTO/VİDEO)
Qardabanili idmançı, Biznes Texnologiya
fakültəsinin məzunu Kəmalə Məmmədova “Fəxri Vətəndaş” adına layiq
görülüb.
Bu
ad ona 4 oktyabr tarixində Qardabanidə keçirilən “Qardabanoba 2019”
tədbirində verilib. Qardabanidə “Fəxri Vətəndaş” adına Kəmalə
Məmmədova ilə yanaşı daha 5 nəfər layiq görülüb.
Tədbirdə Kvemo Kartli Qubernatoru Şota Rexviaşvili, Qardabani meri
Ramaz Budaqaşvili və Gürcüstan Parlamentinin deputatları Savalan
Mirzəyev və Qoderdzi Çankseliani iştirak ediblər. Mükafatı ona
qubernator Şota Rexviaşvili təqdim edib. Bu haqda bizimlə söhbəti
zamanı Kəmalə Məmmədova dedi. Onun sözlərinə görə, “Fəxri Vətəndaş”
adına layiq görülməsi onun indiyə qədər idman sahəsində çəkdiyi
əziyyətinin bəhrəsidir.
Məmmədovanın sözlərinə görə, o, yaxın günlərdə karatedə göstərdiyi
yaxşı nəticələrə görə qara kəmərə də layiq görülüb və indi apreldə
baş tutacaq Avropa çempionatına hazırlaşır.
Onu da əlavə edək ki, 2017-ci ildə Barselonada Kiokşin Karate üzrə
baş tutan çempionatda Avropa çempionu olub.