Marneuli və digər bölgədən olan sakinlər Kutaisi Beynəlxalq Aeroportunda problemlə qarşılaşıblar (VİDEO/FOTO)
22:25 / 07.10.2019
Marneulidən və
digər bölgələrdən olan sakinlər Kutaisi Beynəlxalq Aeroportunda
problemlə qarşılaşıblar.Bir
qrup Gürcüstan vətəndaşı turist olaraq xarici ölkəyə səyahət etmək
istəyiblər. Amma onları aeroportdan buraxmayıblar. Bu haqda bizimlə
söhbət zamanı xarici ölkəyə səyahət etmək istəyən vətəndaş Zahid
Quliyev məlumat verdi.
Onun sözlərinə görə, Marneuli, Bolnisi və digər bölgələrdən olan
15-20 nəfərə yaxın vətəndaş bu cür problemlə qarşılaşıblar.
"Biz 4 günlük Polşaya turist kimi səyahət edirdik. Bizi
buraxmadılar. Dedilər ki, siz yalan danışırsız, turist deyilsiz.
Bizim sənədlərmiz var və hamısı da düzdür. Gediş-dönüş biletimiz
var, sığortamız var, getdiyimiz ölkədə qalacağımız otel bilirik.
Heç bir problemimiz yoxdur. Amma bizi nəyə görə buraxmırlar
bilmirik. Deyirlər ki, siz turis deyilsiz" - Zahid
Quliyev dedi.
Quliyevin sözlərinə görə, onlar hal-hazırda aeroportda gözləyirlər
və ümid edirlər ki, ola bilsin onları buraxdılar.
Daxili İşlər Nazirliyinin mətbuat xidmətindən "Marneuli" radiosuna
verilən məlumata görə, polis tərəfindən vətəndaşlara hansı səbəbə
görə buraxılmadıqları haqda məlumat verilməlidir. Daha ətraflı
məlumat üçün, biz Daxili İşlər Nazirliyindən cavab gözləyirik.
Warning: Invalid argument supplied for foreach() in /var/www/marneulifm.ge/public_html/templates/default/html/com_content/article/default.php on line 166