Algetinin içməli suyun xəttinin dəyişdirilməsinə ehtiyac var - Zaur Darğallı
17:41 / 11.10.2019
"Algeti kəndinə verilən içməli
suyun xəttinin dəyişdirilməsinə ehtiyac var və artıq o işlərə
başlamağı da düşünürük", – bu barədə Marneuli meri
Zaur Darğallı dedi.
Onun
sözlərinə görə, onlar indiki mərhələdə "Rustavi Su" MMC-dən icarəyə
götürdükləri 13 kilometrlik içməli su xətti olan magistral boru
xəttinin tamamən dəyişdirilməsi layihəsi üzərində işləyirlər.
Z. Darğallının dediyinə görə, magistral xətlər dəyişdirildikdən
sonra Algetinin də daxil olduğu 9 kəndə əhaliyə təmiz su
veriləcək.
Darğallı onu da əlavə etdi ki, hər il mərhələli şəkildə Marneulinin
digər kəndlərində daxili şəbəkələrin yenidən qurulması işləri
həyata keçirilir və bu işlərin növbəti illərdə də davam
etdirilməsini planlaşdırırlar.