Bu gün, 8 noyabr tarixində Marneulinin 5 saylı
ictimai məktəbində həddi-büluğa çatmamış şəxslərin hüquqları
haqqında təlim keçirilib.
Məktəbin yekun sinif şagirdlərinə təlimi hüquq ofisseri Qiorqi
Burduli keçib. Təlimçi hüquq ofisserlərinin funksiya-öhdəliklərini
və həddi-büluğa çatmamış şəxslərin hüquqları haqqında danışıb.
Görüşü eko klub “Ekotin” Niko Ketsxovelinin məktəb mükafatı
2020-nin çərçivəsində keçirilib. Bizimlə söhbət zamanı eko klub
“Ekotin”in üzvü Qiorqi Kavteladze deyir ki, Təlimin əsas məqsədi
BMT-nin 17 məqsədi haqqında gənclərə məlumat verməkdir.
“Layihə çərçivəsində ən geniş miqyaslı fəallıq enerji
effektli istixanaların işlədilməsinin test layihəsidir. Bu məqsədə
nail olmaq üçün biz Mtsxeta-Mtianetinin İnkişaf Departamenti ilə
əməkdaşlıq edirik və yardım göstəririk ki, ağacların kəsilməsini
50% azaldan, mövcud enerji effektli istixanalar yenidən
çalışsın”, - Qiorqi Kavteladze deyir.
Kavteladzenin sözlərinə görə, indiki mərhələdə eko klubun
nümayəndələri Polşa səfirliyindən cavab gözləyirlər və bundan sonra
Ekoloji Araşdırma İnstitutunun nümayəndəsi Marneulinin başqa
məktəbində də təlimlər keçəcək.
Niko Ketsxovelinin məktəb mükafatı 2020 layihəsi Gürcüstanda
2015-ci ildən həyata keçirilir. İndiki mərhələdə layihəyə 1 000-ə
qədər məktəb qoşulub, onlar arasında Qali bələdiyyəsinin məktəbləri
də var.
"Marneuli" Radiosu