Yaxınlarının sözlərinə görə, 24 yaşlı Bolnisi sakini şans oyunlarında uduzduğu üçün intihar edib
“Şans oyunu”un
növbəti qurbanı Bolnisi rayonunun sakini 24 yaşlı gənc olub. Şans
oyununun aludəçisi olan gənc dəfələrlə yaşamına son qoymağa çalışsa
da ona anası və bacısı qarşı çıxıblar. Noyabr ayının ilk
həftələrində onun bir sonrakı intihar cəhdində köməyinə çatan
olmayıb.
Yaxının sözlərinə görə, o, bir neçə ildir ki, şans oyunlarında
oynayaraq uduzub və uduzduğu məbləği qaytarmaq üçün tanışlarından
borc alıb. Gəncin yaxını deyir ki, o, son zamanlar özünə çox
qapanıbmış və heç kimlə söhbət etmirmiş. Əlindəki sərvətini şans
oyunlarında uduzduğuna görə, o, borc götürüb və borcunu qaytara
bilmədiyində intihara əl atıb və şans oyunlarının qurbanı olub.
Gəncin ailə üzvləri ilə əlaqə saxlamağa çalışsaq da buna nail ola
bilmədik. Amma onun yaxını gəncin şans oyunlarının qurbanı olduğunu
qeyd etdi.
DİN-dən "Marneuli" radiosuna verilən məlumata görə, faktla bağlı
Gürcüstan Cinayət Məcəlləsinin intiharı nəzərdə tutma faktı ilə
115-ci maddəyə əsasən araşdırma aparılır.
Şans oyunlarına görə, oğlunun intihara əl atacağından narahat olan
60 yaşlı ananın sözlərinə görə, bu oyunlar insanı ailəsindən
uzaqlaşdırır və çıxılmaz vəziyyətə salır.
“Əvvəl hər şey fərqli idi, borcumuz, dərdimiz yox idi.
Oğlumun səhv addımına, seçdiyi səhv yola görə hər şey dəyişdi. Onun
pis vərdişi ailəmizdə davaların yaranmasına səbəb oldu. Tək mənim
oğlum deyil çox adam bu vəziyyətdədir. Bizim heç borcları
qaytarmağa imkanımız da yoxdur. Hər dəfə oğlumla daşalıram, getmə
deyirəm. Oyun ailəndən vacib deyil deyirəm ölümü ilə bizi qorxudur.
Elə deyir özümü öldürəcəm bacarmıram. Kaş qumarxanalar olmazdı.
Niyə qumarxanaları bağlamırlar?”- oğlu şans
oyunlarının aludəçisi olan ana deyir.
Ötən həftə Tsxvariçamia meşəsində Gürcüstanın Birinci Kanalının
operatoru Sandro Beridzenin cansız bədəni tapıldı. Onun şans
oyunlarının qurbanı olduğu deyilir.
Batumi şəhərində ötən günlər ərzində daha bir intihar hadisəsi baş
verib. Şans oyunlarının qurbanı olan 23 yaşlı gənc sosial media
vasitəsi ilə paylaşım edərək ailəsindən və tanışlarından üzr
istəyib. O, Gürcüstanda şans oyunlarının qadağan edilməsini xahiş
edib. Qeyd edək ki, bu şans oyunlarına görə baş verən 3-cü intihar
hadisəsi idi.
Bu oyunlar yaşından asılı olmayaraq bir çox insanların maraq
dairəsini əhatə edir.
Oyuna başlayan şəxslər bir müddət sonra əvvəlki xasiyyətlərində
olmur və dəyişirlər. Onlar ilk olaraq ailə üzvlərinə qarşı
laqeyidləşir və tək düşüncələri şans oyunlarını təkrar oynamaq və
böyük məbləğdə qazanc əldə etmək olur. Zaman keçdikcə qazanmaq
əvəzinə əllərində olan son məbləği hətta, evini, maşınını, bütün
sərvətini şans oyunlarında uduzan insanlar intiharı özlərinə yeganə
çıxış yolu olaraq görürlər.
Qeyd edək ki, “Qumar oyunları öldürür” və “Uşaqlarınızı qoruyun”
sözləri yazılmış plakatlar tutaraq Gürcüstan hökumət binasının
qarşısında şans oyunlarına qarşı keçirilən aksiya zamanı, QHT-nin
rəhbəri Tamara Caparidze, analar adından hökumətə müraciət edərək
“Analar qumar oyunlarına qarşı”dır sözlərini demişdi.
QHT-nin araşdırmalarının nəticələrinə görə, Gürcüstanın 14 yaşlı
sakinlərinin 28%-i, 16 yaşlı sakinlərinin 58%-i, 17 yaşlı
sakinlərinin isə 90%-i qumar oynayır.