"Əhalini sosial və infrastruktur məsələləri narahat edir", – Marneulinin meri Qaçağan sakinləri ilə görüşüb
Marneulinin meri Zaur
Darğallı Qaçağan ərazi vahidliyində əhali ilə görüşüb. Qəbul
İctimai Mərkəzin binasında saat 10:00-da
başlayıb.
Yerli sakinlər
səhərdən növbədə durublar və deyirlər ki, mer tərəfindən belə
görüşün keçirilməsi onlar üçün vacibdir.
Zaur Darğallı “Marneuli” radiosu ilə söhbəti zamanı qeyd edib ki,
bu kimi görüşlər əhali ilə ünsiyyəti asanlaşdırmaq, onların
ehtiyacını yerində öyrənmək və vaxtında reaksiya göstərmək məqsədi
ilə keçirilir.
“Əsasən əhalini sosial və infrastruktur məsələləri
narahat edir ki, bu bizim üçün vacibdir. Bəzilərini birdəfəlik
sosial yardım, bəzilərini isə dam örtükləri və yollara çınqıl
tökülməsi və.s kimi məsələlər maraqlandırır. Belə ünsiyyət qurmaq
bizə imkan yaradır ki, yerlərdə vəziyyətlə bağlı daha çox
məlumatımız olsun və biz bu istiqamətdə çalışmağa davam edək. Bütün
ərazi vahidlərinə gedəcəyik, bütün kəndlərə baş çəkəcəyik ki,
ehtiyaclara vaxtında reaksiya göstərilsin”, – Zaur
Darğallı deyir.
Qaçağan ərazi birliyində görüş 16 yanvarda saat 16:00-a qədər davam
edəcək.