Qasımlı Gənclər Mərkəzində şagirdlərin kompüter və printerə ehtiyacları var
Qasımlı Gənclər
Mərkəzi artıq 3 ildir ki, fəaliyyət göstərir.
Mərkəz daha əvvəl başqa binada fəaliyyətinə başlasa da, hal-hazırda
mərkəzin təşəbbüskarı Arzu Bayramovanın evinin qarajında
fəaliyyətini davam etdirir.
Gənclər Mərkəzinin 62 nəfəri fəal olmaqla ümumilikdə 160 nəfər üzvü
var. Gənclər mərkəzinin təsisçisi Arzu Bayramovanın sözlərinə görə,
mərkəzdə iştirak edən şagirdlərə əsasən təlimlər və seminarlar
keçilir. O, deyir ki, təlim və seminarlar əsasən gürcü dilində
keçirilir. Buna səbəb şagirdlərdə dövlət dilinə olan marağı
artırmaqdır.
“Daha çox gürcü dilində praktiki seminarlarımız olur və
məqsədimiz şagirdlərin dilə olan marağını yüksəltməkdir”,
– Arzu Bayramova dedi.
A.Bayramova bildirdi ki, hazırda mərkəz olaraq fəaliyyət göstərən
qarajda təmir işləri gedir və mərkəzdə proyeksiya aparatı, kompüter
və printerə ehtiyac duyulur.
Qeyd edək ki, İlia Dövlət Universitetinin müəllimi mərkəzin
ehtiyacının bir hissəsini qarşılayaraq proyeksiya aparatı hədiyyə
edib. İndi şagirdlərin təhsil ala bilməsi üçün mərkəzdə yalnız
kompüter və printerə ehtiyac var.
Ehtiyacların qarşılanması üçün ümumilikdə 2500 lari lazımdır
Printer - 800 lari
Kompüter -1200 lari
Proyeksiya aparatı - 500 lari
Qasımlı Gənclər Mərkəzinə dəstək olmaq istəyənlər məbləği bu hesab
nömrəsinə köçürə bilərlər: GE23TB7156945061200003