İlia Universitetinin qərarına görə, tələbələr yaz semestrində
təhsilə onlayn rejimdə davam edə biləcəklər.
Universitet rəhbərliyi tərəfindən tələbələrə göndərilmiş məktuba
görə, növbəti semestrdə kursların nəzəri hissəsi yenidən onlayn
rejimdə baş tutacaq. Xüsusi praktiki kurslar/kurs komponentləri
universitetin auditoriyalarında keçiriləcək.
“
Yaz semestrində təhsil forması ilə bağlı fikir
müxtəlifliyi var. Tələbələrin bir qismi təhsilin onlayn rejimdə
davam etməsini, digər qismi isə auditoriyalara qayıtmaq istəyir. Bu
yaxın aylarda epidemioloji vəziyyətin necə olmasına bağlıdır.
İlia Universitetinin məqsədi odur ki, bütün maraqlanan tərəflərin
mövqeyini elə nəzərə alsın ki, insan sağlamlığına təhlükə
yaranmasın. Bununla yanaşı, dövlət tənzimləmələrini də nəzərdə
saxlasın”, – Universitet rəhbərliyinin bəyanatında
yazılıb.
Universitetə qayıtmaq istəyən tələbələr əvvəlcədən hazırlanmış
qaydalara uyğun olaraq universitetin kitabxanasının oxu zallarından
və kompüter resurs-mrəkəzlərindən istifadə edə biləcəklər. Eləcə də
təhsil ehtiyaclarından irəli gələrək və mühazirəçilərlə razılaşma
əsasında universitetdə kiçik qrup formatında məsləhətləşmə
görüşləri keçirə biləcəklər.
“
Xahiş edirik nəzərə alasınız ki, bu imkandan istifadə
etmək üçün tələbələrə müvafiq proseduralardan keçmək və tələblərə
riayət etmək (əvvəlcədən qeydiyyat olmaq, gigiyenik vasitələrdən
istifadə və s.) lazım olacaq. Təhsil başlayana qədər biz həmin
tələbələrin ətraflı siyahısını, həmçinin, elektron qeydiyyat
formalarını sizə göndərəcəyik. Əgər siz universitetin fiziki
resurslarından, oxu zallarından, kompüter resurs-mərkəzlərindən
istifadə etmək istəsəniz, həmin formanı doldurmaq
vacibdir”, – universitet rəhbərliyi tərəfindən
tələbələrə yazılmış məktubda yazılıb.
İlia Universitetinin açıqlamasına görə, qeyd olunan ölçülər
yüngülləşdirilə, yaxud sərtləşdirilə bilər. Bu isə universitetin
vəziyyətinə, epidemioloji vəziyyətə və dövlət tənzimləmələrinə
uyğun həyata keçirilə bilər.
"Marneuli" Radiosu