3-7 iyun tarixində Yunanıstanda veteran cüdoçular arasında Avropa
çempionatı keçiriləcək. Marneulili veteran cüdoçular Sandro
İakobaşvili və Zaza Davadze də çempionatda iştirak edəcəklər.
Marneuli İdman Məktəbindən bildirdilər ki, çempionat Heraklion
adasında keçiriləcək və Gürcüstan yığması artıq oradadır.
“Gürcüstandan ümumilikdə 20 veteran cüdoçu iştirak edir,
Marneulidən isə 2 nəfər gedib. Bizim uşaqlar sabah mübarizəyə
qoşulacaqlar”, – İdman Məktəbindən bildirdilər.
Marneuli İdman Məktəbindən bildirdilər ki, Avropa çempionatında
Sandro İakobaşvili 81 kq çəki dərəcəsində, Zaza Davadze isə 90 kq
çəki dərəcəsində mübarizə aparacaq.