Bu gün, 8 iyun tarixində Marneuli Seçki Dairə Komissiyası və
MSK-nın birgə layihəsi çərçivəsində Marneuli şəhərində əhaliyə
seçki prosesləri ilə bağlı məlumat veriblər.
Marneuli 22 saylı Seçki Dairə Komissiyasının sədri Ana İluridze
“Marneuli” radiosu ilə söhbəti zamanı bildirdi ki, məlumatlandırıcı
görüşlər “Seçicilərlə söhbət edirik” layihəsi çərçivəsində həyata
keçirilir.
“Layihənin məqsədi seçicilərin yanına getmək və seçki prosesi ilə
bağlı məlumat çatdırmaqdır. Eləcə də texnoloji innovasiyalardan
söhbət açırıq. 2018-ci ildən elektron səs hesablama aparatları
tətbiq edilir və həmin aparatlar 2021-ci ildə Krtsanisi dairəsini
tam əhatə etdi. Həmin aparatlar vasitəsi ilə səsləri hesabladılar.
Bu prosesi asanlaşdırdı və sürətləndirdi. 2022-ci il seçkilərində
Batumidə də verifikasiya aparatları testdən keçirildi. Həmin
aparatlar seçicinin kimliyini müəyyən edirdi”, – Ani
İluridze bildirdi.
Marneuli Seçki Dairə Komissiyasının sədrinin sözlərinə görə, gənc
seçicilər yaxın dövrdə “Seçki İnkişaf Məktəbi” və “Gənclər
düşərgəsində” iştirak edə biləcəklər.
Marneuli Seçki Dairə Komissiyasının nümayəndələri gürcü, azərbaycan
və erməni dilində məlumat flayerlərini əhaliyə paylayıblar.
“Seçicilərlə söhbət edirik” layihəsi çərçivəsində məlumatlandırıcı
görüşlər sabah, 9 iyun tarixində Marneulinin Kosalı kəndində də
keçiriləcək.