20 iyun tarixində Marneuli bələdiyyəsinin ictimai məktəblərində
Qəyyumlar Şurası seçkiləri keçiriləcək.
Qəyyumlar Şurası təhsil müəssisələrinin idarəçiliyində ən mühüm
bəndlərdən biridir.
Şura valideyn və pedaqoqlar şurası tərəfindən bərabər sayda, 2 il
müddətinə seçilmiş, ən az 6 və ən çox 12 nümayəndədən, orta pillə
şagirdlərinin özünüidarəsi tərəfindən seçilmiş 1 nümayəndədən
ibarətdir. Resurs Mərkəzin rəhbər səlahiyyətlərini icra edən Əli
Qəhrəmanov “Marneuli” radiosuna bildirdi ki, bələdiyyənin 74
məktəbinin hamısında şura yenilənəcək.
“Sonuncu dəfə, 2019-cu ildə Qəyyumlar Şurası
toplanmışdı. Onların 3 il iş müddəti var və başa çatıb. Məktəblər
komissiya üzvlərinin siyahısını göndərəcəklər və mənim sərəncamım
əsasında onlara geri göndərəcəyik”, – Əli Qəhrəmanov
bildirdi.
Marneuli 1 saylı ictimai məktəbi Qəyyumlar Şurasının seçkilərinə
hazırlaşır. Məktəbin direktoru Ketevan Merabişvili bildirdi ki,
məktəb üçün şuranın olması mühümdür. Çünki məhz həmin şəxslər
büdcənin, daxili intizamın və başqa əsas məsələlərin müzakirəsində
iştirak edirlər.
“Şura çox qərarlar qəbul edir. Həmçinin, ən mühüm olan
büdcədir. Qəyyumlar Şurasının qoşulması da mühümdür. Çünki direktor
birmənalı qərar qəbul edə bilmir. Komissiya üzvlərini artıq
yığmışıq. Kiçik məktəblərdə şuranın tərkibinə üç valideyn, üç
müəllim və bir orta pillədən olan şagird daxildir. Biz validyenlərə
də, uşaqlara da məlumat verdik. Validyenlərlə görüşümüz oldu.
İstəyə əsasən şuraya daxil olmaqla bağlı müraciət edə
bilərlər”, – Ketevan Merabişvili bildirdi.
Məktəblərdə Qəyyumlar Şurasının əsas funskiyası direktor seçmək,
büdcəni istifadəyə vermək və daxili intizam qaydasını müəyyən
etməkdir.