Gürcüstan Tai-boksinq, Kikboksinq Milli Federasiyasının idmançısı
Kənan Bayramov 2-5 iyun tarixlərində Macarıstanın paytaxtı
Budapeştdə keçirilən “Wako kikboksinq” üzrə dünya kubokunda iştirak
edib.
Kənan Bayramov 1/8 mərhələni uğurla keçərək, 1/4 mərhələyə
yüksəlib. 1/4 mərhələdə isə Ukraynalı idmançıya məğlub olaraq, ilk
beşliyə düşüb.
İdmançı qazandığı həmin nəticəyə görə, noyabr ayında Antalyada
keçiriləcək “Wako-Avropa” çempionatında iştirak etmək hüququ
qazanıb.
Kənan Bayramov peşəkar kik-boksinqdə B-klassda döyüşlərə qatılır.
O, bu sahədə bir çox peşəkar döyüşlərin qalib olub.
İndi Qardabanili idmançı oktyabrda Almaniyada keçiriləcək peşəkar
yarışa hazırlaşır. Bu yarış Avropada tanınmış yarışlardan biri
sayılır.
Qeyd edək ki, Kənan Bayramov Qardabanidə fəaliyyət göstərən
“Qaracalar” idman klubunun idmançısıdır. Onun baş məşqçisi isə
İsfahan Əliyevdir.