19 iyun tarixində Kvemo Kartlinin üç bələdiyyəsində “Azadlıq üçün
velotur” keçirilib.
Tədbirin məqsədi Avropa dəyərlərinin
populyarlaşdırılması və Gürcüstanın Avropaya inteqrasiyasına dəstək
göstərilməsi idi. Velotur Dmanisi bələdiyyəsindən start
götürüb.
40-40-a yaxın gənc bazar ərazisindən broşürlər
paylamağa və əhali ilə Avropa seçimi haqqında danışmağa başlayıb.
Mülki fəallar velosipedlərlə Dmanisi bələdiyyəsinin bir neçə
kəndindən keçiblər.
Tədbir CENN tərəfindən, Avropa İttifaqının dəstəyi ilə “Mülki
ictimaiyyətin inkluziv və yaşıl post-kovid bərpası üçün” layihəsi
çərçivəsində keçirilib. CENN-nin nümayəndəsi Nana Takvarelia
bildirdi ki, bu gün Gürcüstanın Avropa İttifaqına üzv olmasına
dəstək göstərilməsi xüsusilə mühümdür.
“Fəal olaraq işləyirik ki, ictimaiyyətdə Avropa
dəyərlərini təbliğ edək. Məsələn, iqtisadi davamlılıq, insan
hüquqlarının müdafiəsi, bərabərlik və s. Düşünürük ki, bu prosesdə
mülki ictimaiyyətin rolu mühümdür. Bizim layihəmiz iki regionda –
Kvemo Kartlidə və Samtsxe Cavaxetidə məhz buna görə işləyir ki,
yerli səviyyədə mülki ictimaiyyəti gücləndirək, onların demokratik
iştirakını yaxşılaşdıraq”.
Dmanisidən sonra tur iştirakçıları Bolnisi bələdiyyəsinə gediblər
və orada Avropaya inteqrasiyanın əhəmiyyətindən, demokratiya və
Avropa dəyərlərindən söhbət açıblar.
Tədbirin təşkilatçılarından Elnur Əlisoy bildirdi ki, əhalinin
Avropa dəyərləri barədə düzgün məlumatı olması mühümdür.
“Bu veloturla istəyirdik ki, bizim gənclər, mülki fəallar
qeyri-dominant etnik və dini qrup nümayəndələrinə öz mövqeyimizi
bildirək. Biz Gürcüstanın Avropaya inteqrasiyasını və Gürcüstanın
Avropa İttifaqına üzv olmasını dəstəklədiyimizi təsvir etdik.
Regionlarda, əsasən etnik azlıqların məskunlaşdığı kəndlərdə
məlumat qıtlığı var. Onlar Avropaya inteqrasiyadan hansı faydanın
gələcəyini bilmirlər”.
Elnur Əlisyo kimi veloturun daha bir təşkilatçısı Samirə Bayramova
əhlinin məlumatlandırılmasını diqqətə yetirir. O, düşünür ki, yerli
sakinlərin əksər halda yanlış təsəvvürü olur və onlara etibarlı
məlumat vermək vacibdir.
“Əhali ilə gedib görüşmək çox mühümdür
ki, onlara Avropa İttifaqına üzv olmağın niyə mühüm olduğunu izah
edək. Kvemo Kartlidə Avropa ittifaqı çox layihə maliyyələşdirib və
Avropa İttifaqına üzv olarsaq, bizi nə gözlədiyini göstərmək
istəyirik. Kvemo Kartli kənd təsərrüfatı regionudur və müvafiq
olaraq, əhalinin məhsulu daha yaxşı qiymətə satmaq imkanı
olacaq”.
“Azadlıq üçün velotur” Marneulidə başa çatıb.
Tədbirin təşkilatçıları Samirə Bayramova, Elnur Əlisoy, Naşir
Orduxanov, Tiko Davadze, Demokratiya keşikçiləri, Mülki İştirak və
Aktivizm Mərkəzidir.