16-17 iyun tarixlərində Tbilisi Şahmat Sarayında Dini Məsələlər
üzrə Dövlət Agentliyinin və Gürcüstan Şahmat Federasiyasının birgə
təşkilatçılığı ilə dini icmalar arasında şahmat üzrə yarış
keçirilib.
12 komanda arasında keçirilən yarışda hər dini icmanı 4 şəxs təmsil
edərək oyunlara qatılmışdır.
İsveçrə sistemi üzrə keçirilən yarışda Gürcüstan Müsəlmanları
İdarəsinin 4 nəfərdən ibarət komandası 1-ci, İncil inancı kilsəsi
2-ci, Gürcü Pravoslav Kilsəsi isə 3-cü olublar.
Gənclərin şahmat oynuna cəlb olunması məqsədi ilə keçirilən yarışın
sonunda qaliblərə müxtəlif mükafatlar təqdim olunub.
Müsəlman icmasını təmsil edən Anil Kərəmov, Günel Kərəmova, Bejan
Şavadze və Ziya Şavadze qalib olublar.
Gürcüstan Müsəlmanları İdarəsinin şeyxi Hacı Ramin İgidov, Qərbi
Gürcüstan üzrə müfti Hacı Adəm Şantadze və Tbilisi Cümə məscidinin
imamı Şirxan Çobanov qaliblərlə görüşərək onlara mükfafatlar təqdim
etmiş, uğurlar diləmişlər.
Qeyd edək ki, Gürcüstan Müsəlmanları İdarəsinin komandası keçirilən
7 oyunda 6 qalibiyyət, 1 heç-heçə ilə turniri başa vurmuşlar.