Marneulidə, Nərimanov küçəsi 1 ünvanındakı binada iki eyvanın
uçması nəticəsində iki qadın dünyasını dəyişib. Bununla bağlı ilk
şərhi Kvemo Kartli qubernatoru Qiorqi Doxturişvili verib. Onun
sözlərinə görə, meriyaya həmin binanın qəzalı vəziyyətdə olması ilə
bağlı sakinlərdən məktub daxil olmayıb.
“İlk növbədə dünyasını dəyişənlərin ailələrinə başsağlığı vermək
istəyirəm. Xoşbəxtlikdən uşaqları xilas etmək mümkün olub və
onların vəziyyəti qənaətbəxşdir. Binanın qəzalı vəziyyətdə olması
ilə bağlı meriyaya məktub daxil olmayıb. Bu ictimai məlumatdır,
asan şəkildə yoxlamaq mümkündür”, – qubernator
bildirib.
Parlamentin Marneuli və Qardabani seçki dairəsindən seçilmiş
majoritar deputatı Zaur Darğallı bildirib ki, onun birillik merliyi
dövründə bina sakinləri tərəfindən ərizə verilməsini xatırlamır. Nə
şifahi, nə də yazılı müraciət olunmayıb.
“Həmin bina ilə əlaqədar olan yeganə fakt var idi. Biz
həmin binada dam örtüyünü dəyişməyi planlaşdırırdıq. Tender elan
etdik, tender baş tutdu. Ancaq bina əhalisi su çənlərinin
sökülməsindən imtina etdilər. Buna görə dam örtüyünü dəyişmədik.
Yalnız bu faktı qeyd edə bilərəm”, – Zaur Darğallı
bildirdi.
Marneulidə, 26 iyun tarixində axşam saatlarında beşmərtəbəli
binanın mənzillərindən ikisinin eyvanının uçması nəticəsində 2
nəfər dünyasını dəyişib. Sakinlər media ilə söhbətiləri zamanı
bildirirdiklərinə görə, onlar meriyaya binanın qəzalı vəziyyətdə
olması ilə bağlı dəfələrlə müraciət ediblər.
Bu müraciətin hansı formada edilməsini sakinlər hadisə yerində olan
zaman konkret qeyd etmədi.
Hadisə nəticəsində iki qadın dünyasını dəyişib. İki azyaşlı uşağın
vəziyyəti isə stabil ağırdır.