24 iyulda Marneulinin Tsitelsopeli kəndində Vardavar bayramı qeyd
olunub. Tsitelsopeli sakini Aram Akopyanın “Marneuli” radiosuna
bildirdiyinə görə, dini bayramı bütün kənd qeyd edir. Çünki
Vardavar ən mühüm dini bayramlardan biridir.
“Vardavar bizim üçün “Peristsvaleba” bayramıdır və ruhən
təmizlənməkdir. Bu hər il, iyul ayının sonuncu həftəsində baş
verir, tarix dəyişkəndir. Bizim təşkilatın gəncləri və bütün kənd
əhalisi, uşaqlar ilə birlikdə bu bayramı qeyd etdik. Bolnisi
Gənclər Evi təşkilatının üzvləri də bizə qoşuldular və erməni
dilində bayramımızı təbrik etdilər. Sərinləşdirici, pozitiv
bayramdır və hamının bu bayramda iştirak etmək imkanı
var”.
Vardavar bayramından əhali bir-birini isladır. Çox araşdırmaçılar
“Vardavar” temrininin het dilindən gəldiyini hesab edir. Het
dilində vadar – “su”, arr – “islatmaq” deməkdir və onu Ermənistan
üçün ilin ən quru dövrdə yağış yaratmaq magiyası ilə
əlaqələndirirlər. Vardavar günü adamların bir-birini islatdığı
suyun müalicəvi olduğunu və xoşbəxtlik, firavanlıq, uğur
gətirdiyini hesab edirlər. Terminin ikinci variantı da var və
vardavar sözündən kökünü, “vard” sözünü ayırırlar.
“Bu erməni icması üçün mühüm kilsə bayramıdır. Bu zaman keşiş suya
xeyir-dua verir və sonra su ilə oyun başlayır. Suda qızılgül
yarpaqlarının olması mühümdür. Çünki vardavar sözü də vardi
sözündən gəlir. Vardavarın proseslərindən sonra ailələr süfrə
açırlar və ya su, çay, yaxud göl, dəniz və s. kənarında bayramı
qeyd edirlər. Əlbəttə, erməni rəqsləri, mahnılar və s. də olur”,
– Aram Akopyan bildirdi.
Peristsvaleba erməni bayramı Pasxadan 98 gün sonra qeyd olunur.
Vardavar bayramında kilsələr çiçəklərlə bəzədilir, buğda və arpa
sünbüllərindən bağlanmış dəstəyə xeyir-dua verilir.