26 iyul tarixində Marneuli-Koda yolunda, təxminən saat 10:00-da baş
vermiş qəza zamanı Bolnisi məhkəməsinin hakimi dünyasını dəyişib.
Gürcüstan Ali Məhkəməsi dünyasını dəyişmiş şəxsin ailəsinə
başsağlığı verib.
“Gürcüstan Ali Məhkəməsəi bu gün baş vermiş bədbəxt
hadisə nəticəsində Bolnisi Rayon Məhkəməsinin hakimi Levan
Bardavelidzenin ölümünə görə dərin hüznünü bildirir və cənab
Levanın ailəsinə, yaxınlarına, həmkarlarına başsağlığı verir. Cənab
Levan nümunəvi həmkar idi. O, uzun illər ərzində layiqli şəkildə və
yüksək peşəkarlıqla hakimlik vəzifəsini yerinə yetirirdi. Onun
gözlənilməz ölümü bütün məhkəmə sistemi üçün böyük
itkidir”, – Gürcüstan Ali Məhkəməsinin Facebook
səhifəsində yazılıb.
Qəza Marneuli-Koda əlaqələndirici yolunda, 26 iyul saat 10:00-da
baş verib.
Daxili İşlər Nazirliyindən “Marneuli” radiosuna bildirdilər ki,
Cinayət Məcəlləsinin 276-cı maddəsi ilə istintaq aparılır. Həmin
maddə nəqliyyatın hərəkət təhlükəsizliyi və ya istismarı zamanı
qayda pozuntusunu nəzərdə tutur.
Həmin yolda axşam saatlarında daha bir qəza baş verib. Şahidlərin
məlumatına görə, yol-nəqliyyat hadisəsi nəticəsində 4 nəfər
həyatını itirib.
Tbilisi-Marneuli yolunda hərəkət edən marşrut və minik avtomobili
toqquşub.
Qəza yerində olmuş şəxs “Marneuli” radiosuna bildirdi ki, böyük
ehtimalla Tbilisidən gələn Tbilisi-Marneuli marşrutu sərnişin
gətirirmiş. Onun məlumatına görə qəza nəticəsində iki nəfər
dünyasını dəyişib.