1
kiloqram şəkər 3,40 lari, 800 qram qarabaşaq 7 lari, 900 qram uzun
düyü 10 lari, 800 qram manna yarması 3 lari, 100 qram orta
keyfiyyətli çay 4,70 lari, 1,8 litr günəbaxan yağı 18 lari – bu
əhaliyə gündəlik həyatında lazım olan məhsulların
siyahısıdır.
Supermarketlərdə və aqrar bazarda
qiymətlər hər gün artır. Əhali deyir ki, hər ay qida məhsullarına
ən az 1000 lari lazımdır. Onların aylıq gəliri isə xərclərdən
azdır.
“Baxın, bu günəbaxan yağı
nədir, 10 lariyə qədər pul ödədim. Hər şey çox bahadır. Günəbaxan
yağı, şəkər, un – hansı birini deyim. Bizim o qədər gəlirimiz
yoxdur ki, bunları ala bilək. Qida məhsullarına ayda təxminən 1000
lari lazımdır.
Əsasən təqaüd və övladımın maaşından asılıyıq, bu pul hansı birinə
kifayət edir?” – Karina Ananyan bildirdi.
Karina kimi digər Marneuli sakinləri də qiymətlərin
artmasında şikayətlənir və deyirlər ki, mağazaya girəndə ən az 100
larilik ərzaq almalı olurlar.
“Əvvəl həyat yoldaşın alış-verişə gəlirdi. İndi mən gəlmişəm, 30
lari xərclədim. Hər şeyin qiyməti artıb”.
“Evdən çıxanda sevinirsən ki, pul aparırsan, nə isə alacaqsan.
Gəlirsən və bilmirsən nəyə xərcləyibsən. Pulun dəyəri yoxdur. Hər
şeyin qiyməti artıb. Birtəhər yaşamağa çalışırıq. Baxın, meyvə və
nələrsə almışam, 85 lari xərclədim. Bu gün aldığımız ərzaq sabah
eyni qiymətə olmur. Gedirsən və yeni qiymət ödəyirsən”, – Arzu
Çobanova bildirdi.
“Ötən il 100 lariyə hər şey
alırdıq, indi onun yarısını ala bilirik. Əsasən yağ, un bahalaşıb.
111 lari xərclədim, görün, nə almışam”, – Marneuli sakini
deyir.
Mağaza rəhbərliyi də qiymətlərin
artmasında danışır. Bizimlə söhbəti zamanı supermarketlərdən
birinin sahibi bildirdi ki, məhsullara hər həftə demək olar yeni
qiymətlər gəlir. Onun sözlərinə görə, süd məhsulları 8%, günəbaxan
yağının qiyməti isə 7% artıb.
"Marneuli"
Radiosu