26 iyul axşam saatlarında Marneuli-Koda yolunda baş vermiş qəzada
dünyasını dəyişən olmayıb.
Marneuli-Koda yolunda sərnişin mikroavtobusu minik maşını ilə
toqquşub. Yol-nəqliyyat hadisəsi baş verən zaman hadisə yerində
olan şəxslər “Marneuli” radiosuna bildirdilər ki, qəza nəticəsində
4 nəfər dünyasını dəyişib. Ancaq məlumatın səhv olduğu aydın
olub.
Daxili İşlər Nazirliyindən “Marneuli” radiosuna bildirdilər ki,
Cinayət Məcəlləsinin 276-cı maddəsi ilə istintaq aparılır. Həmin
maddə nəqliyyatın hərəkəti zamanı təhlükəsizlik və ya istismar
qaydasının pozulmasını nəzərdə tutur. DİN-dən bildirirlər ki,
hadisə yerində heç kim dünyasını dəyişməyib.
Qəza nəticəsində 11 nəfər xəsarət alıb. Onlar Marneuli “Geo
Hospitals” və “Aversi” klinikalarına yerləşdiriliblər. Tibb
müəssisəsindən bildirdilər ki, xəsarət alanların vəziyyəti
stabildir və heç kim dünyasını dəyişməyib.