Bolnisi bələdiyyəsində, Dəllər (Muşevani) əhalisi “RMG” şirkəti
tərəfindən kəndə yaxın ərazidə elan edilmiş filiz axtarışı
layihəsinə etiraz edir.
Yerli sakinlər artıq imza toplamağa başlayıblar. Dəllər sakinləri
bildirirlər ki, şirkət mineralların axtarışı layihəsi ilə bağlı
yalnız kəndin bir qismi ilə konsultasiya keçib. “RMG”-nin
layihəsinə görə, il ərzində planlaşdırılmış partlayışların təxmini
sayı 55 olacaq. (Həftədə iki dəfə).
Ancaq qazıntı qurğuları il ərzində 200 saat işləyəcək. Partlayışdan
yaranmış səsin müddəti hər dəfə bir neçə saniyə davam edəcək. Əhali
qorxur ki, bu vəziyyət onların kəndinin ekologiyasına ciddi ziyan
vuracaq.
Əhaliyə təşviqat prosesində “Salam” platforması kömək edir.
Təsisçilərdən Rabil İsmayıl bildirir ki, Milli Ekologiya
Agentliyinə tövsiyələri nəzərə almaq üçün yerli sakinlərin imzasını
təqdim edəcəklər.
Hüquqi məsələlərin həllində Muşevani sakinlərinə Sosial Ədalət
Mərkəzi (EMC) də kömək edir. “Marneuli” radiosu təfərrüatları
aydınlaşdırmaq üçün “RMG” şirkəti ilə əlaqə saxlamğa çalışır.
Məlumat alan kimi material yenilənəcək.