İyulun 28-də sosial şəbəkələrdə Marneulinin İmir kəndində şənlik
kortejinin hərəkətini və havaya atəş açıılmasını əks etdirən video
yayılıb. Sözügedən videomaterialla bağlı Daxili İşlər Nazirliyi 3
nəfəri cərimələyib.
“Media orqanının jurnalisti yayılan videogörüntüləri hüquq-mühafizə
orqanlarının əməkdaşlarına təqdim edib. Hüquq-mühafizə orqanlarının
əməkdaşları bildirişi aldıqdan dərhal sonra faktla bağlı
araşdırmalara başlayıblar. Polis əməkdaşlarının həyata keçirdikləri
müvafiq tədbirlər nəticəsində qanunu pozanlar qısa müddətdə müəyyən
edilərək cərimələniblər. Daha dəqiq desək: Kadrlarda göstərilən
avtomobilin sürücüsü İnzibati Xətalar Məcəlləsinin 125-ci (qəza
vəziyyəti yaratma) maddəsinə əsasən, 2 nəfər isə həmin Məcəllənin
181-3-cü (qaz və ya pnevmatik silahın daşınması qaydalarını pozma)
maddəsi ilə cərimə olunub”.
Daxili İşlər Nazirliyinin açıqlamasında bildirilir ki, polis
əməkdaşları tərəfindən qaydanı pozan şəxslərin üzərindən iki səs
tapançası götürülüb.