Marneuli meriyası tərəfindən Rustaveli küçəsinin bərpasına lazım
olan layihə sənədlərini almaq üçün elan etdiyi tender mənfi nəticə
ilə başa çatıb.
Yerli özünüidarə 118 000 lari dəyərində tenderi 2022-ci ilin 20
iyununda elan edib. Tenderdə yalnız bi şirkər, “Universal Project”
MMC iştirak edib və meriyaya işləri 90 000 lariyə həyata keçirməyi
təklif edib. Tender komissiyasının iclas protokoluna müvafiq olaraq
“Universal Project” MMC tender təklifini qne etməyib, konkret
olaraq isə şirkət heyətinin təcrübəsi tenderlə nəzərdə tutulmuş
tələblərə uyğun deyildi.
“Avtomobil yolları tikinti mütəxəssisi olaraq Qiorqi
Tsimakuridze 4 nömrəli əlavədə qeyd edilmiş 10 illik təcrübə ilə
təqdim olunub:
2 diplom: Birinci – tikinti fakültəsinin diploma, 2016-cı ildə
verilib, mühəndislik üzrə bakalavr akademik dərəcəsi, ikinci –
mühəndislik üzrə maqistratur akademik dərəcəsi, avtomobil yolları
və aeroportların tikintisi ixtisası ilə 2018-ci ildə verilib.
Qiorqi Tsimakuridze bakalavr diplomunu 2016-cı ildə alıb,
təcrübəsinin bir qismi isə 2012-ci ildən hesablanır. Yəni
mütəxəssis 18 yaşı olanda (1994-cü ildə dünyaya gəlib, şəxsiyyət
vəsiqəsi ilə müəyyən olunur) və müvafiq diploma/ixtisası yoxdur.
Yuxarıda qeyd olunanlardan irəli gələrək, bir halda ki, namizədin
diskvalifikasiyası üçün tender sənədləri ilə tətbiq edilmiş
tələblərlə namizədin təqdim etdiyi dəqiqləşdirilmiş
sənədlər/məlumat arasında bir uyğunsuzluq belə olsa kifayətdir.
Tender Komissiyası namizədin təqdim etdiyi digər dəqiqləşdirilmiş
sənədləri müzakirə etməyəcək”, – tender
komissiyasının protokolunda yazılıb.
Marneuli meriyası Rustaveli küçəsinin tam bərpası/yenidənqurma
layihəsinin sənədlərinin tərtib edilmə xidməti üçün tenderi, təkrar
olaraq 28 iyulda elan edib.
Layihə sənədinin izahatında kanalizasiya şəbəkəsinin qurulması,
parkinq üçün məkanların müəyyən edilməsi və qadağanedici
tənzimləyici işarələrin yerləşdirilməsi, fiziki imkanları məhdud
şəxslər üçün adaptasiya edilmiş keçidlərin, səkilərin qurulması və
s. yazılıb.
“Layihədə nəzərdə tutulan küçədər dörd nəqliyyat
qovşağı var: 26 may meydanı, Durmuşxan Mağalaşvili adına estekada,
bazar nəqliyyat qovşağı və Səməd Vurğun meydanında başa çatır.
Nəqliyyat və parkinq şəbəkəsi tənzimlənməyib, parkinq xaos şəklində
olur. Bələdiyyə nəqliyyatı üçün demək olar dayanacaqlar yoxdur.
Günün müəyyən hissəsində küçə doludur və tıxaclar yaranır. Məişət
tullantı qabları küçədə yerləşdirilib və onlar üçün müəyyən edilmiş
girişlər demək olar yoxdur. Küçənin boyunca yüksək təzyiqli qaz
borusu gedir və bəzi yerlərdə üzdə, səkidə quraşdırılıb. Qeyd
olunan yolun asflat/beton qatı xarab olub, oyuqlar var, çatlar
qeydə alınır. Piyadalar üçün ayrılmış səkidə də analoji
çatışmazlıqlar var. Layihədəki yolun eni və uzununa profilləri
normaya uyğun deyil. Bu isə piyadalara və nəqliyyat vasitələrinin
təhlükəsiz hərəkətinə mane olur”, – layihə obyektinin
açıqlamasında yazılıb.
Marneuli meriyası Rustaveli küçəsinin bərpasına lazım olan
layihənin alınmasını yenidən 118 000 lariyə planlaşdırır. Tenderdə
iştirak emtək istəyənlər 3 avqustdan 5 avqusta qədər təkliflərini
göndərə bilərlər.