Qırıxlı kənd ictimai məktəbinin gürcü dili müəllimi sosial şəbəkədə
onun uşaqları dizi üstə qoyduğunu əks etdirən fotolar
yayımlandıqdan sonra Marneuli Bələdiyyə Məclisi üzvlüyü mandatının
dayandırılması ilə bağlı Bələdiyyə Məclisinə ərizə verib.
Rəhman Musayev Marneuli Bələdiyyə Məclisinə “Gürcü Arzusunun”
proporsional siyahısından daxil olmuşdu.
Marneuli Bələdiyyə Məclisinin sədri Amiran Qiorqadze “Marneuli”
radiosu ilə söhbəti zamanı bildirdi ki, Rəhman Musayev öz səhvini
başa düşüb və məktəblə yanaşı, Bələdiyyə Məclisini də tərk
edib.
“Bilirsiniz ki, o, məktəbdə öz vəzifəsini tərk edib və bu gün
Bələdiyyə Məclisində səlahiyyətlərinin dayandırılması ilə bağlı
ərizə yazıb. Belə ki, yol verdiyi səhvi başa düşüb və özü qərar
qəbul edib, ərizə yazıb”, – Amiran Qioqradze
bildirdi.
2 oktyabrda aktual.ge məlumat yayımlayıb ki, pedaqoq 4-cü sinif
şagirdlərini cəzalandırmaq məqsədi ilə dizi üstə qoyub. Marneuli
Təhsil Resurs Mərkəzindən faktla bağlı münasibət bildiriblər və
qeyd edirlər ki, Qırıxlı məktəbində baş vermiş hadisəni
qınayırlar.
Faktla bağlı Daxili İşlər Nazirliyi araşdırmaya başlayıb. Mətbuat
Xidmətindən bildirdilər ki, Cinayət Məcəlləsinin 150-ci maddəsi ilə
istintaq aparılır. Maddə məcbur etməni nəzərdə tutur.