Marneuli yerli özünüidarəsi Marneuli şəhərində və Tsereteli
kəndində suvarma kanallarının bərpasını planlaşdırır.
Marneuli meriyası 27 oktyabr tarixində suvarma kanalının bərpası
üçün lazımi smeta sənədləri ilə bağlı 10 170 lari dəyərində tender
elan edib.
Tender təklifinə görə, suvarma kanallarının bərpası Marneulinin 7
küçəsində və Tsereteli kəndində planlaşdırılır.
“Şəhərin 7 küçəsində (D.Ağmaşenebeli, Vaja-Pşavela,
Lermontov, Yağlıca, Tbilisi, R.Lağidze və 20 yanvar küçələrində)
mövcud olan köhnə suvarma kanalının bərpası planlaşdırılır. Hazırda
şəbəkə sıradan çıxıb və layihə ilə onun bərpa edilməsi nəzərdə
tutulub. Tsereteli kəndində olan beton arxlar xarab olub və
yenilənməli və ya müvafiq hissəsi müəyyən edilməklə bərpa
olunmalıdır”, – izahatnamədə qeyd olunub.
Suvarma kanallarının bərpası üçün lazımi smeta sənədlərinin tərtib
edilməsi ilə bağlı tenderin texniki tələblərinə görə, yerli
özünüidarə Marneulinin 7 küçəsində suvarma kanalının bərpası üçün
təxminən 200 000 lari, Tsereteli kəndi üçün isə 100 000 lari
nəzərdə tutub.
Tenderdə iştirak etmək istəyən şirkətlər tender təkliflərini 4
noyabrdan 7 noyabra qədər təqdim edə bilərlər.