Marneuli meriyası Böyük Muğanlı kəndində suvarma suyu şəbəkəsinin
qurulması işləri üçün 21 342 lari dəyərində tender elan edib.
Tender sənədində qeyd olunub ki, Böyük Muğanlıda suvarma şuyu
magistral borusu qurulub və artıq müəyyən məntəqələrə su veriləcək.
Yeni layihənin məqsədi isə magistral borudan suvarma suyunun 3 yeni
bölməsini təmin etməkdir.
“Birinci bölmədə olan magistral boruya açıq qaydada yeni 110 mm-lik
10 atmosferlik boru birləşdiriləcək. İkinci hissədə olan polietilen
magitsral borudan mövcud dəmir boruya (hazırda fəaliyyətsiz)
birləşdiriləcək. Sonra isə mövcud dəmir borudan yeni 110 millimetr,
10 atmosfer, 170 metr uzunluğunda polietilen boru
biləşdiriləcək.
Ventil quraşdırılacaq və su yataqlarına 40 mm-lik polietilen
borularla su veriləcək. Üçüncü hissədə olan dəmir boruya 110
mm-lik. 230 metr uzunluğunda 10 atmosferlik boru quraşdırılacaq.
İlk 110 metr açıq qaydada quraşdırılacaq və qalan 120 metr boru
yeraltı qurulacaq. Borunun 1 yerində asfaltı kəsmək lazım olacaq və
ona görə asflat-beton kəsiləcək, sonra bərpa
olunacaq”, – tenderdə yazılıb.
Böyük Muğanlıda suvarma suyu şəbəkəsi tikintisini 100% yerli
özünüidarə maliyyələşdirir. Bələdiyyə işlər üçün tenderi 8 noyabrda
elan edib. İstəyi olan şirkətlər 24-29 noyabrda tenderdə iştirak
edə bilrələr. Qalib şirkət müqavilə bağlandıqdan 45 gün ərzində
işləri həyata keçirməli olacaq.