Bu gün, 29 dekabr tarixində Tbilisi şəhərində Aşıq Kamandarın 90
illik yubileyi və Dünya Azərbaycanlılarının Həmrəylik Günü
münasibətilə tədbir keçirildi.
Tədbirdə Azərbaycan və Türkiyə respublikalarının səfirləri və
səfirliklərin əməkdaşları, "TİKA" təşkilatının nümayəndələri,
Gürcüstan hökumətinin nümayəndələri, ziyalılar, gənclər və dəvət
olunmuş qonaqlar iştirak edirdilər.
Yubley mərasimində çıxış edənlər Aşıq Kamandarın həyat və
yaradıcılığından danışdılar. Aşıq Kamandarın ev muzeyinin
yaradılması haqqında tədbir iştirakçılarına məlumatlar verildi.
Tədbirdə Gürcüstan Parlamentinin keçmiş üzvü Ruslan Hacıyev,
professor Mahmud Kamaloğlu və Aşıq Novruz Məmmədov Aşıq Kamandarın
yaradıcılğına həsr edilmiş medalla təltif olundular. Bununla yanaşı
Azərbaycanın Gürcüstandakı səfiri Faiq Quliyev Mirzə Fətəli
Axundovun 210 illiyinə həsr olunmuş mükafatla təltif olundu.
Mükafat Axundov ev muzeyinin direktoru Leyla Əliyeva təqdim
etdi.
Qonaqların çıxışlardan sonra tədbir aşıqların ifaları ilə davam
etdi. Aşıqların çıxışları tədbir iştirakçılarının alqışları ilə
qarşılandı.
Qeyd edək ki, tədbir Azərbaycan Respublikasının Gürcüstandakı
Səfirliyinin, Azərbaycan Respublikasının Diasporla İş üzrə Dövlət
Komitəsinin, Azərbaycan Diasporuna Dəstək Fondunun və Aşıq Kamandar
ev muzeyinin təşəbbüsü ilə keçirildi.