Rustavi meriyası Marneuli yerli özünüidarəsinə istifadə olunmuş
avtobus hədiyyə edib.
Marneuli meriyasının fərdi sahibkar Qiorqi Satseradze ilə bağladığı
sadələşdirilmiş müqaviləyə görə, Rustavi meriyasının Marneuliyə
hədiyyə etdiyi avtobusların texniki baxışa, təmirə ehtiyacı
var.
“Bildiyiniz kimi, Rustavi meriyası tərəfindən Marneuli
bələdiyyəsinə təmənnasız olaraq istifadə olunmuş 3 avtobus
həmişəlik istifadəyə verilib. Avtobusların sonrakı istismarı üçün
texniki baxışdan keçirilməsinə ehtiyac var. Eləcə də təmir
olunmalıdır və buna görə, onların evakuatorla daşınmasına ehtiyac
var”, – sadələşdirilmiş müqavilənin izahatnaməsində
qeyd olunub.
Marneuli meriyası Qiorqi Satseradze ilə avtobusların evakuatorla
daşınması xidmətinə görə, 1350 lari dəyərində sadələşdirilmiş
müqavilə bağlayıb.