19 fevral tarixində Tbilisidə Muaytay üzrə “Tbilisi” açıq
çempionatı keçirilib. Çempionata Marneulidən 5 idmançı qatılıb.
Onlardan 4-ü qızıl, 1-i isə gümüş medal qazanıb. Bu barədə məlumatı
“Sayokan” federasiyasının prezidenti Faiq Məmmədov verdi. Onun
sözlərinə görə, Marneulidən yalnız onun rəhbərlik etdiyi “Qızıl
canavar” karate idman klubunun idmançıları iştirak edib.
“Tbilisidə keçirilən yarışda təkcə Marneulidən mənim
idman klubumun idmançıları iştirak edirdilər. Onlardan Nicat
Əlizadə, Elmiz Əliyev, Yolçu Qurbanov və Əbuzər Əliyev birinci yerə
çıxdılar. Təkcə bir idmançım – Əli Ələkbərov ikici yeri
qazandı”, – Faiq Məmmədov dedi.
Faiq Məmmədovun bildirdiyinə görə, 4-5 mart tarixində Qardabani
şəhərində keçiriləcək kikboksinq yarışına hazırlaşırlar. O, ümid
edir ki, həmin yarışdan qələbə ilə qayıdacaqlar.