Marneuli İdman Məktəbinin yetirməsi Luka Kapanadze cüdo üzrə
Gürcüstan çempionu olub.
Bu barədə məlumat idman məktəbinin feysbuk səhifəsində paylaşılıb.
Məlumata görə, 18 fevral tarixində Tbilisidə cüdo üzrə Gürcüstan
çempionatının ikinci mərhələsi keçirilib və Marneulili idmançı
yarışda uğurla çıxış edib.
“Bu il fevralın 18-də Tbilisi şəhərində cüdo üzrə
Gürcüstan çempionatının ikinci mərhələsi keçirildi. Burada Marneuli
İdman Məktəbinin şagirdi Luka Kapanadze uğurla çıxış edib və 73 kq
çəki dərəcəsində çempionatın qalibi olub. Luka Marneuli İdman
Məktəbinin uğurlu və perspektivli idmançılarından biridir. Luka
Gürcüstanın cüdo üzrə milli komandasına yazılıb. Marneuli İdman
Məktəbi Lukanı uğuru münasibətilə təbrik edir”, –
paylaşımda deyilir.
Qeyd edək ki, Luka Kapanadzenin şəxsi məşqçisi Demuri
Jorjolianidir.