Marneuli bələdiyyəsinin yerli özünüidarəsi Tserakvi və Sioni
kəndində daxili yollara dəmir beton qatının tökülməsi işləri üçün
bir daha tender elan edib. Meriya işlər üçün birinci tenderi
2022-ci ilin 13 aprel tarixində elan etmişdi.
Həmin tenderdə üç şirkət iştirak edib. Buna baxmayaraq, Marneuli
meriyası tenderi dayandırıb.
Tender komissiyasının iclas protokoluna əsasən Sioni və Tserakvidə
daxili yollara dəmir-beton qatının tökülməsi tenderinin
dayandırılmasına Marneuli şəhər Nərimanov 1 ünvanında yerləşən
binaların eyvanının uçması səbəb olub.
“Korpusun bir hissəsində eyvanın uçmasından sonra iki nəfər
dünyasını dəyişdi. Buna görə, Marneuli bələdiyyəsinin özünüidarəsi
tərəfindən, təcili surətdə bir sıra tədbirlərin həyata keçirilməsi
planlaşdırıldı. Bizim tərəfimizdən müvafiq ekspertizanın rəyi və
onlara əsaslanaraq tərtib edilmiş layihə-maliyyə uçotu sənədləri
əsasında binanın bərpa və möhkəmləndirilməsi işlərinin aparılması
üçün mümkün fəsadların qarşısını almaqla bir növ profilaktika
aparılmalı idi. Bunun üçün Marneuli meriyasının Şəhərsalma, Məkan
Tənzimlənməsi, Memarlıq və Tikinti Xidməti tərəfindən məsələnin
tender prosedurlarına başlanılmasına görə müvafiq təşəbbüs məqsədi
ilə təqdim edilmiş yazılı izahatnamə təqdim edib. İzahatnamə ilə
yanaşı verilmiş smeta sənədlərində nəzərdə tutulmuş işlər üçün
lazım olan kifayət qədər vəsaitin hazırda yerli büdcədə olmamasına
görə, Marneuli bələdiyyəsinin Tserakvi və Sioni kəndlərində daxili
yollara dəmir-beton qatının tökülməsi işlərinin elektron tenderinin
dayandırılması prosedurunun başlanılması haqqında məsələ
qaldırılıb”- tender komissiyasının iclas protokolunda
qeyd olunub.
Marneuli meriyası Sioni və Tserakvi kəndlərində daxili yollarda
dəmir-beton qatının töklüməsi işləri üçün nəzərdə tutulmuş vəsaiti
Nərimanov 1 ünvanında yerləşən korpusların bərpası üçün lazımı
smeta sənədlərinin alınmasına xərcləyib.
Marneuli meriyası Tserakvi və Sionida dəmir-beton qatının tökülməsi
üçün yeni tenderi 2023-cü ilin 24 fevralında elan edib.
Dəmir-beton qatı Tserakvi və Sioninin daxili yollarına töküləcək.
Yerli özünüidarə bunun üçün 437 700 lari ayırıb. Sioni və
Tserakvidə dəmir/beton qatının tökülməsi layihəsinin sənədlərinə
görə, kənddə ümumilikdə 6 hissədə daxili yol salınacaq.
“Obyektdə torpaq yol var və sıradan çıxıb. Oyuqlara rast gəlinir və
yağış zamanı həmin oyuqlar su ilə dolur. Eninə və uzununa profillər
pozulub. Yağışlı havada piyada və avtomobil sürücülərinə yolda
hərəkət etmək narahatçılıq yaradır” - layihə sənədlərində
qeyd olunub.
Tenderdə iştirak etmək istəyəb şirkətlər tender təkliflərini 12-dən
17 marta qədər göndərə bilərlər.