Bu gün, 3 mart tarixində Gürcüstan Parlamentinin Marneuli və
Qardabani seçki dairəsindən seçilmiş deputatı
Zaur Darğallı, Marneuli meri Kənan Ömərov və Marneuli Bələdiyyə
Məclisinin sədri Amiran Qiorqadze 3 mart “Analar günü” münasibəti
ilə vətən uğrunda həlak olmuş olmuş əsgərlərin analarını ziyarət
ediblər.
Bu barədə Zaur Darğallı öz “Facebook” səhifəsində paylaşım edib. O,
bu gün münasibəti ilə həyatını itirmiş əsgərlərin analarını təbrik
etdiklərini bildirib. Ziyarət zamanı analara gül buketləri təqdim
olunub.
Darğallı paylaşımında övladını itirən anaların Gürcüstanı qorumaq
üçün canlarını fəda etmiş, ölkəyə layiqli vətəndaşlar
yetişdirdiklərini bildirib.